Popular Bible Verses from 1 Timoti 2

Share

Amu nabo ake Nkai naa lobo laitutumoni le Nkai o ltung'ana, Kristo Yeso laa ltung'ani ninye, oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

Kore nang'asunyie tekue, naa kaitaarriyianicho paa kore tankaraki ee ltung'ana pooki neichirakini Nkai, neomoni, neomonokini ltung'ana, neichori Nkai nache. Kaitaarriyianicho metaasi inia too lkinkii o too lolo pooki otii nkitoria payie kiwueni to mborron o te seriani tee nkichoni ang, kiurie Nkai nikitum nkanyit to ntoki pooki nikias.

Kayieu naa kore lewa, neomon to ng'oji pooki, neiliepie nkaik enche naasinya meata ngoro, nemeata nchankar. Nayieu sii ntomonok neisikarra aaitibiraki ta nkanyit o te nkiririkinoto. Namara te nchatata ee lpapit tanaa ta saabu tanaa taa masaa naagol nkinyiang'a tanaa taa nankan naagol nkinyiang'a eisikarra, kake taa asat supati, naairirikino ꞉ntomonok naajo keyanyit Nkai.