Popular Bible Verses from Rooma 8

Share

Ke lekka kabarre kadar gu garrarri paracco ma asaayo oko giimi ma ƴekkaa Mella o ga kolowwiy aleŋ kanti maa ga aŋakke liyawti, ga leewayo ka samaane.

A gata pa naata leelo ta tirta teete kabarre kadar ga lekka ɗa ya kaƴi ma gederra ga jaginne min ƴekkiti Mellayi maa ga lekkine: bala ga muutu, o bala gi hayaatane, o bala gu malaykatnigee o bala gu taattuweeco ma aaye uwwa, o bala ga ka haŋka o bala ga ma akka asa, o bala gu guta ma lekka gudirane, o bala ga latta ma aaye uwwa e baŋ pa ma aaye aattí kiɗaati, o bala ga latta kaƴi maa ga Mella kelgeyye. Ƴekkiti pa gaarenta paaɗe ma Miltine kee Iisa Masi.

A Ruuhanti Mellayi pa kulla asaa gaayitine oko keeta ma lekka ɗa gudirane. A gata pa keeta, inno ke ibina ɗa samaane aleŋ maa ga Mella aŋka. Ruuhanti Mellayi soopa, ay gita saa ma eneeneega Mella ma neƴƴo maa gu galbigeetine gederra ɗa cimmiti.

Ay ini me payya ka ƴiila maa ke beneyya min oko keeke paratti? Mileŋ ga Mella appe aaye ma kantine, ga ay we payya ma gederreene?

Ma beneytu keeke appe paratti na garaatoŋ kadar ga haŋka gu giimi ma kappenta ma Iisa Masi, gi parlanti Mellayi bagay ɗa payya ta kaw.

A gita pa mooyo ta gaarco ma daanayo ka, katawkiko muuti, a innasoo gi mooyo ta gaari ma daanati oko Ruuhanti Mellayi katawko hayaatanti o aapiyati.

A innasoopa, ga min aacco diigaŋgee kooko paracco ni oomeero ma nosorro ma kakee. Keeke pa, ay ma Iisa Masi, gata ma ƴekkane.

A naata pa moyaa kadar ga ma seene gu diigaŋgeetine koo ku haŋka dunuune teete ay latta rootta ta kaw min oko darjane ta omma maa ga Mella akkine gaara.

A gata pa, caŋ ke aaye diiganti e baŋ gu garrarri siiƴinee, caŋ gu giimi deegeyyane, e baŋ ga maatiki ka tiyaawi e baŋ ga ka issiti ke lekka ɗa, caŋ gu gaari ku miɗɗa ke ellay gu asaa e baŋ gi jollo, ga lekka ɗa ya latta kaƴi ma jagakkane min ƴekkiti Masi.

Mella pa, gata ma ellaa tak ma aaye ɗakko galbigeyyo, ibinya saa pe maa gi Ruuhanti aŋka, asan ga ay ma aŋkiti oko gata gi Ruuhane enewɗiyooga oko gimtee.

A guta pa giimi maa gi Ruuhanti Mellayi garaayooga botol ka jobbiti, ay guta ma ay rontee Mellayi.

A guta pa giimi ma jobokka kanco ka, gi mooyico parattí ay oko ma daanayo ka. A giimi soo ma jobokka kee ka Ruuhanti Mellayi, gi mooyico ay oko ma daanati oko Ruuhanti Mellayi.

Gata icceegu ɗa ya paalta ka kulla diigaŋgee oko Runti, wikinne maa gaa birinneega soo saɗikane oko kee parattine. Gaa Runti ka kulla ga birneega, gu lawwi daare ga bereeneegu ɗa aɗe kulla malan̰ e?

A gita pa Ruuhanti Mellayi, ay gita saa ma garawwiyooga oko ruuhaŋgeetine kadar ke ay rontee Mellayi. Mileŋ ke ay rontee pa ke lekkica kulla haggantine oko lawtee Mellayi. Gita pa ke gasakkaca sawa ma Masi. Mileŋ ke oyowwica diigane ma gata, ke gasakkaca kulla ma gata darjane.

A guta pa giimi ma moyaa oko ma daanayo ka, guta kotti ɗakattiya Mella o gu jobokkaa ɗa kee ka hukumnigeetee. Guta gederra ɗa ta kaw jobbico.

A gita pa kilgane parattí ocokkiya ta tirta teete wikinne maa ga Mella asicca gaara darjanco rontee

A keeta pa, ke lekka kabarre kadar ga ya haŋka gi kilgane parattí neƴekka aleŋ daate ma deegeyye ma buybuyne.