Popular Bible Verses from Rooma 5

Share

A innasoopa ga Masi maateero gaddantine wikinne maa ke lewɗo missa zunubgee. Gata pa ay keeke appe ma garaa kadar ga Mella ƴekkane.

Ucawtine teete pa daɓallane ɗa, asan ga Mella onokkineegu paaɗe galbigeetine ma ƴekkiti ma Ruuhanti maa ga birne.

Ay taata ɗa ka ma ay parhantine. Ma parhankine payya pa kulla ay diigaŋgee maa ke ecekke asan ke lekka kabarre kadar gu diigaŋgee esekkeene baatiynuwe. Baatiynuwe pa esekkeene nunto ta dandal, o nunto taata pa esekkane ucawtí haggantine maa ga Mella akkineeca bira.

Mella gaarinee ɗayaŋ unti asan ke dowwiy galbigeetine oko Iisa Masi. Ay kaaka appe ke nowoɗɗe ma aapiya ma gata saananti Miltine kee Iisa Masi. Ay Iisa Masi ma iyyine botol ku maa ga Mella leeɗineega gidaanuwti asan ke dowwiy galbigeetine oko Iisa Masi. Gaa gidaanuwti pa, ay gata appe maa ke nowotte talta aatti. Ma parhankine pa ay ucawtine maa ke asicca gassa haggantine tee ta darjanti Mellayi.

A gata pa oko wikinne maa ga keeta alɗo lekka ɗa gudirane ke cimmiɗiy kayyeetine min zunubgeyyo, ga Masi pa maateero gaddantine oko keeta ma bakammikiki ɗa ka Mellayi. Muutti pa ay oko wikinne saa maa ga Mella caaɗe.

Haŋka ga Mella gaarinee ɗayaŋ unti ma baartee Masi. Mileŋ ga ay goŋŋakite pa, ga ay ma tirta saa pe ga Iisa Masi akkine najjiya min bogorti Mellayi.

Ma pooco ta jobbiti beneyti Mellayi tee ta gimu kaƴi ka, gu giimi ku maani un̰n̰e zunubgeyyo. A ma oyyo ta jobbiti kanti Mellayi tee ta gimu kaƴi ka, gu giimi maani deewa ɗayaŋ unti Mellayi.

Gata pa ay keeke ɗa ka, innasoopa ke parhanne kulla oko Mellayi ma Miltine kee Iisa Masi, maa ga ma gata haŋka ke gassica taaco ma Mella.