Popular Bible Verses from Rom 2

Share

Iwe muntu 'we ocwera abakora nk'ebyo orubanja, haza naiwe noobikora, nooteekateeka ngu oryakira orubanja oru Ruhanga arikucwera? Nainga shi nooyekiitira embabazi ze enyingi n'okukwata mpora kwe n'okugumisiriza kwe, haza otarikumanya ku ezo mbabazi za Ruhanga nizo zikureetera kwegarukamu?

N'ahabw'ekyo, iwe muntu 'we ocwera ondi orubanja, toine ky'okwekwatsa. Manya omu kurumucwera, naiwe oba noorwesingisa, ahabw'okuba naiwe kirucwa okora nk'ebyo.

Manya Ruhanga tashoroora mu bantu.

Ahabw'okuba abahurira eiteeka kwonka, tibo bahikiriire ahari Ruhanga, kureka abakora ebi eiteeka riragiira, nibo baribarwa kuba abahikiriire.

akazimuurira buri omwe nk'ebi yaakozire oku biri.

Abandi ab'empaka kandi abatoorobera mazima, kureka bakeeroha omu bibi, Ruhanga aryabafubira n'ekiniga.

Kwonka ahabw'okugangaara kw'omutima gwawe ogutarikwenda kweteisa, oyebiikiire ekiniga ekiribaho aha kiro ky'ekiniga, eki Ruhanga arishuuruuriraho encwa ye y'orubanja ehikiriire