Popular Bible Verses from Rom 1

Share

Manya nyowe Amakuru Marungi tigankwatsa nshoni, ahabw'okuba n'amaani agu Ruhanga ajunisa omuntu weena orikwikiriza, okubandiza aha Bayudaaya na bwanyima aha Baguriiki.

Ahabw'okuba omuri ago Makuru nimwo hareebekyera okuhikiirira okuruga ahari Ruhanga. Okuhikiirira okwo Ruhanga akutuha ahabw'okwikiriza, kandi kugumizamu kweyongyera nitwikiriza, nk'oku kyahandiikirwe ngu: Ohikiriire ahabw'okwikiriza aryagira amagara.

Ensi yaaba kuhangwa, entuura ye etareebwa, nikwo kugira ngu obushoboorozi bwe obutahwaho n'obwaruhanga bwe, bireeberwa gye omu bi yaahangire; n'ahabw'ekyo baba bataine ky'okwekwatsa.

Manya nobu baraabe baamanyire Ruhanga, hoona tibaramuhimbiise nka Ruhanga nari okumusiima; kureka bakahungutuka ebiteekateeko, emitima yaabo ebitsire yaashwekwa omwirima.

Omu mwanya gw'amazima ga Ruhanga bakatamu ebishuba, bakaramya ebihangirwe, bakabiheereza okukira Omuhangi ohimbisibwa ebiro byona! Amiina.

Kwonka Ruhanga ayema omu iguru kufubira abatamutiina. Nibo bantu enyabibi abazindazindisa amazima eby'okutahikiirira kwabo.

Nikyo Ruhanga yaabarekyeire bakategyekwa okwetenga kwabo kubi: abakazi baabo baareka ebi emibiri yaabo yaahangiirwe, baagikoresa ebitari by'obuhangwa; abashaija nibakora eby'enshoni aha bandi bashaija, batyo baayereetera ekifubiro ekishemereire obufamutima bwabo. Kandi ku baayangire nkana kweta ahari Ruhanga, Ruhanga nawe nikwo kubareka bakagira emitima efiire kukora ebitahikire.

Batyo omu kweyeta abanyabwengye baaba ebifamutima. Omu mwanya gw'okuramya Ruhanga otafa, baaramya ebishushani by'abantu abafa n'eby'enyonyi n'eby'enyamaishwa n'eby'ebigyendesa enda.