Popular Bible Verses from Fil 1

Share

Nimpamiza kimwe ku Ruhanga, owaatandikire omurimo murungi omuriimwe, ariguhikiiriza aha Kiro kya Yesu Kristo.

Kandi ninshaba ngu rukundo yaanyu egume neekanyira omu kumanya n'omu kwetegyereza kwona, mubone kusiima ebirikukiraho oburungi. Haza aha Kiro kya Kristo mushangwe nimwera kandi mutaine kamogo

Manya ahariinye okubaho ni Kristo, kandi okufa nikungasira okukiraho.

Ninsiima Ruhanga wangye ahi mbaijukira hoona

Kwonka hoona, k'emitwarize yaanyu ebe eshemereire Amakuru Marungi ga Kristo. Haza yaaba nyija okwo nkabareeba nari ntaija, mpurire ngu mwemereire muhamire n'omutima gumwe n'ebiteekateeko bimwe, nimukwatanisa ahabw'okuba mukaikiriza ago Makuru Marungi.

Ekyo nikyo ntegyereize n'ekihika, kandi nyine amatsiko ku ntarikwitwa nshoni n'akakye, kureka nk'oku kiri hati kandi nk'oku kituura obutoosha, Kristo aryaguma naahimbisibwa n'obumanzi bwingi omu mubiri gwangye, yaaba mpuriire nari nfiire.

Manya timurahairwe mugisha gw'okwikiriza Kristo kwonka, kureka n'okubonabonesibwa ahabwe.