Popular Bible Verses from Efe 6

Share

Manya titurikurwanisa bantu nyabuntu, kureka niturwanisa amahe g'emitima mibi ey'omu kaabunga, ey'abakuru, ey'ab'obushoboorozi n'ey'abategyeki b'omuri egi nsi y'omwirima.

Obutoosha mugume mushabe nimweshengyereza Ruhanga kubahwera, kandi nimushabira omuri Mutima. N'ahabw'ekyo mugume nimureeba, nimugumizamu kushabira abarikwera boona.

Mwejunise eby'okurwanisa byona ebya Ruhanga, mubone kwemera obugobya bwa Sitaane.

N'ahabw'ekyo mukwate eby'okurwanisa byona ebi muhairwe Ruhanga, mubone kugagungira aha izooba ribi, haza ku muriheza kukora byona, mwemerere muhamire.

Okukira byona, mukwate engabo y'okwikiriza, eraababaasise kuraaza emyambi y'omuriro yoona ey'Omubi. Kandi mujware enkofiira y'okujunwa, mukwaitse na rurara ya Mutima, nikyo kigambo kya Ruhanga.

Mpaho mwemerere mwezirikire amazima omu nda, mujwaire okuhikiirira aha kifuba nk'ekyoma ky'okwekingiza. Mujware omu bigyere enkaito, mubone kwetebeekanisiza okurangirira Amakuru Marungi g'obusingye.

Eky'aha muheru, mube abahamire omuri Mukama, muhamiibwe obushoboorozi bw'amaani ge.

Otiine sho na nyoko; ekyo nikyo kiragiro ky'okubanza ekirimu ekyaraganisiibwe, ngu obone kuba gye n'okumereera omu nsi.

Abaana, muhurire abazaire baanyu omuri Mukama, ahabw'okuba kihikire.