Popular Bible Verses from Mar 9

Share

Yesu amugarukamu ati: Ku oraabe noobaasa? Manya byona bibaasikira oine okwikiriza.

Ahonaaho ishe w'omwana agamba n'eiraka rihango ati: Eego, niinyikiriza, mbwenu ntambira okutaikiriza kwangye!

Yesu ku yaataahire omu nju, abatendekwa be baamubuuza mpora, bati: Ahabw'enki itwe turemirwe kukibinga? Yaabagarukamu ati: Manya eky'omuringo nk'ogwo tikibingwa kindi, kureka okushaba n'okwesiibyakwo.

Omwonyo guba murungi; beitu ku gwakuhwamu ensha, okaagigaruramu ota? Mwerungyemu omwonyo, kandi mugirirane obusingye.

Weena oyakiira omu iziina ryangye omwe aha baana bato nk'ogu, biri niinye ayakiire; kandi weena onyakiira, biri tiinye aba ayakiire, kureka ogwo owantumire.

Weena orikubaha ekikopo ky'amaizi g'okunywa ahabw'okuba muri aba Kristo, buzimazima nimbagambira nti: Tariburira kimwe kihembo kye.

Kwonka weena orikuteeza entsibo omwe aha baana aba abato barikuunyikiriza, akabagwisa, haakiri abohwe orubengo omu maraka, anagwe omu nyanja.

Kandi eriisho ryawe ku riraabe nirikureetera kukora ekibi, riihemu; haakiri iwe okutaaha omu bukama bwa Ruhanga oine eriisho rimwe, okukira okugira amaisho gombi okanagwa nago okuzimu omu muriro