Popular Bible Verses from Mar 10

Share

Manya Omwana w'omuntu taraizire kuheerezibwa, kureka okuheereza, n'okuhayo amagara ge kuba ekarabo ya baingi.

Yesu nikwo kubatsimba eriisho, akabagira ati: Aha bantu tikirikubaasika, kwonka ahari Ruhanga tikwo kiri; ahabw'okuba Ruhanga abaasa byona.

Yesu amugira ati: Yegyendere; okwikiriza kwawe kwakukiza. Ahonaaho areeba, agyenda amukuratiire omu muhanda.

N'ahabw'ekyo eki Ruhanga yaateeraine, hatarigira omuntu owaakitaanisa.

Yesu nikwo kumutsimba eriisho, akamukunda, akamugira ati: Mbwenu nooburwaho ekintu kimwe. Irooko, otunde ebi oine; ebiraabirugyemu, obihe abooro; mbwenu obwo oryatunga eitungo omu iguru; haza oije onkuratire.

Yesu amubuuza ati: Nooyenda ngu nkukorere ki? Egyo mpumi emugarukamu eti: Mukama wangye, niinyenda ngu ndeebe.

Kwonka tikwo kiri omuriimwe. Weena orikwenda kuba mukuru omuriimwe, abe omuheereza waanyu

Buzimazima nimbagambira nti: Weena otarikwikiriza bukama bwa Ruhanga nk'omwana muto taributaahamu.

Manya baingi ab'okubanza baryaba ab'okuhereeruka, kandi ab'okuhereeruka baryaba ab'okubanza.

kwonka okwiha omu kutandika kw'okuhangwa, Ruhanga akabahanga omushaija n'omukazi. Nikyo omuntu atsigiraho ishe na nyina, akahamira aha mukazi we, bombi bakaba omubiri gumwe; baba batakiri babiri kureka omwe.