Popular Bible Verses from Yak 2

Share

N'ahabw'ekyo okwikiriza kwonka kwaba kutarimu kukora, biri n'okwa busha.

Mbwenu nk'oku omubiri ogutarimu mutima guba ogufiire, n'okwikiriza okutarimu birikukorwa nikwo kuba okufiire.

Banyaruganda, mbwenu omuntu nikimugasira ki okugira ngu aine okwikiriza, haza ataine bi arikukora? Ebyo okwikiriza kwe okwo nikubaasa kumujuna?

Noikiriza Ruhanga ku ari omwe, haza obwo ni gye. Nangwa na baasitaane ekyo bakiikiriza bataho n'okutetema.

Shana hakaabaho owaagira ati: Iwe oine okwikiriza, naanye nyine ebi nkora. Mbwenu nyoreka okwikiriza kwawe okutakwatiraine n'ebi okora, naanye ahabw'ebi nkora, nkworekye okwikiriza kwangye.

Ahabw'okuba otagira mbabazi, aryacwerwa Ruhanga orubanja rutarimu mbabazi. Manya embabazi zitamba okusingwa orubanja.

Aho nimureeba ku omuntu ahikiirizibwa Ruhanga ahabw'ebi akora, kutari ahabw'okwikiriza kwonka.

Aho nooreeba ku okwikiriza kwe kwagyendeire hamwe n'ebi yaakozire. Haza okwo kwikiriza kukahikiiririzibwa kimwe ebi yaakozire.