Popular Bible Verses from Yak 1

Share

Banyaruganda, ku muraagume mwahikwaho ebigyezo by'emiringo etari emwe, mubyemere mushemereirwe, ahabw'okuba nimumanya okugyezibwa kw'okwikiriza kwanyu kurugwamu okuhama.

Omuriimwe ku haraabe hariho obuzirwe obwengye, abushabe Ruhanga oha abantu boona n'obufura ataine kanyomo, haza aryabuheebwa.

Banyaruganda abakundwa, mbwenu eki mukimanye; k'omuntu weena abe orikurahuka kuhurira, kandi otarikurahukirwa kugamba n'okugira ekiniga.

Mbwenu murekye okwo kuhama kuhitsye omurimo gwakwo, mubone kuba abahikiire kimwe kandi abahamire omu by'omutima, abataine ki babuzirweho.

Mube abarikuhitsya ekyo kigambo, mutari abarikukihurira kusha, mukeebeihabeiha.

Omuntu orikugumisiririza okugyezibwa aine omugisha, ahabw'okuba ku ariheza kukwemera, aryaheebwa ekirunga ky'amagara, eki Ruhanga yaaraganiise abamukunda.

Engabirano yoona n'ekiconco kyona ekihikiire kimwe, biruga omu iguru owa Ruhanga Taata, Omuhangi w'ebyakira omu iguru, ou owe hatabayo kuhindahinduka nari okwiririmba.

Manya weena ohurira ekigambo, kwonka atarikukihitsya, ashusha nk'omuntu owaayereebera omu ndeeberwamu. Haza ku ayereeba yaagyenda, ayebwa ahonaaho oku arikushusha.

Ediini empuuhe kandi etasiisikaire mu maisho ga Ruhanga Tataitwe niyo egi: okushuura efuuzi n'abafaakazi bari omu naku, kandi n'okwerinda okushiishwa ensi.

Omuntu ku araayohibwe, arekye kugira ati: Naayohibwa Ruhanga. Manya Ruhanga tayohibwa kibi, kandi nawe wenka tagira ou ayosya, kureka buri muntu ayohibwa naabeihwabeihwa, kandi naatwarwa okwetenga kwe kubi.

Omunyaruganda omworo ashemereire kwesiima, Ruhanga yaaba amutungwire.