Popular Bible Verses from Kur 5

Share

Bwanyima Musa na Arooni bakaza omu maisho ga Faraaho, baamugira bati: Mukama Ruhanga wa Isiraeli naakugira ati: Reka abantu bangye bagyende, bankorere obugyenyi omu ihamba.

Manya naaba kwija ahari Faraaho kumugambira omu iziina ryawe, abakozire kubi, kandi naiwe tiwaagira bu obajunire n'akakye.

Musa nikwo kugaruka ahari Nyakubaho akamweshengyereza ati: Ai Nyakubaho, aba bantu baawe obatuzire ki? Mbwenu okaba wantumira ki?

Na Faraaho abagira ati: Mukama ogwo n'oha, ou nyowe nshemereire kuhurira ebye, nkarekura Abaisiraeli kugyenda? Nyowe Mukama ogwo tindikumumanya, kandi tindikwija kurekura Baisiraeli kugyenda.

Kandi omubaro gw'amatafaari gu babaire nibabumba mugubagumyeho, mutagutuubya na kakye; ahabw'okuba tibaine ki barikukora. Nikyo barikuhoogyera bati: Ka tuze kutambira Ruhanga waitu ekitambo. Abo bantu mubahe emirimo erikukiraho kuguma, bagikore, barekye kuta omutima aha bigambo by'ebishuba.