Popular Bible Verses from Efe 5

Share

N'ahabw'ekyo mutooreze ebya Ruhanga nk'abaana abakundwa, kandi mugire emitwarize erimu rukundo, nk'oku Kristo yaatukunzire, akeehayo ahabwaitu ahari Ruhanga, kuba empongano n'ekitambo ebirikutaamiranira Ruhanga omugaju.

N'ahabw'ekyo mwerinde emitwarize yaanyu, murekye kuba nk'abataine bwengye, kureka nk'abanyabwengye. Mutafiisa busha omwanya, ahabw'okuba ebiro ebi ni bibi.

Murekye kusinda viino erugwamu okuteezibira, kureka mwijure Mutima. Mugaaniirirane eby'omu zaaburi ebirikwera, n'ebyeshongoro, n'ebigunjano ebibatairwemu Mutima; obwo nimweshongorera Mukama, nimunihiiza amaraka n'omutima gwanyu gwona. Ahabwa byona mugume musiime Ruhanga Taata omu iziina rya Mukama waitu Yesu Kristo.

N'ahabw'ekyo mutaba abashema, kureka mumanye eki Mukama arikwenda.

Naimwe bashaija 'mwe, mukunde abakazi baanyu, nk'oku Kristo yaakunzire ekigombe ky'abaikiriza, akeehayo ahabwakyo.

Manya ira mukaba muri ab'omwirima, kwonka hati muri ab'omushana

Mworoberane ahabw'okutiina Kristo.

Abakazi mugume mworobere baabaroimwe, nk'oku mworobera Mukama.

Mbwenu ka buri muntu akunde omukazi we nk'oku ayekunda, n'omukazi nawe k'agume atiine iba.

Ekyahandiikirwe kigira kiti: Nikyo omushaija atsigiraho ishe na nyina, akahamira aha mukazi we, bombi bakaba omubiri gumwe.

Mutarikwatanisa n'ebikorerwa omu mwirima ebitaine mugasho, kureka mubyanikye butunu.