Popular Bible Verses from 2 Kor 4

Share

Ahabw'okuba tituhanga maisho bintu ebireebeka, kureka ebitareebeka. Manya ebireebeka bihwaho, kwonka ebitareebeka tibihwaho.

N'ahabw'ekyo titwehwa matsiko. Omuntu waitu ow'aharuguru nobu araabe naagyenda naahwa aha magufa, omuntu waitu ow'omunda ahindurwa musya buri izooba. Manya okureebesibwa enaku oku okukye kandi okw'akaanya, nikututebeekanisiza ekitiinwa kihango ekitarihwaho kandi ekitarikwerengwa.

Tureebesibwa enaku embaju zoona, kwonka tituburwa bwehigiro; tushoberwa, kwonka titwehwa matsiko. Twine abazigu baingi, kwonka tituburwa banywani baitu. Kandi nobu obundi tusaasibwa munonga, kwonka tituhwerekyerezibwa.

Kwonka eitungo eryo, itwe abariine turi enyungu z'eibumba, kworeka ku amaani agatakareebwaga gari aga Ruhanga, gatari gaitu.

Nibo abo abataikiriza, abu ruhanga w'ensi egi yaarindagiize omutima, akababuza kureeba omushana gw'Amakuru Marungi ag'ekitiinwa kya Kristo, oba ekyeshusha kya Ruhanga.

Ahabw'okuba Ruhanga owaagizire ati: Omushana ka gujwere omu mwirima, niwe yaayakiire omu mitima yaitu kutumurikira, ngu tumanye ekitiinwa kye ekireeberwa omuri Kristo.