Popular Bible Verses from 2 Kor 3

Share

Mbwenu Mukama ogwo niwe Mutima, kandi ahi Mutima wa Mukama ari, habaho obugabe.

Naitwe twena, ku tuba tuhangire amaisho nitwetegyereza ekitiinwa kya Mukama, nitworeka ekinyimanyimi kyakyo, tuteesangiire hamaisho, tuba nituhindurwa kushushana nawe omu kitiinwa ekiguma nikikanya; kandi ekyo kikorwa Mukama, niwe Mutima.

Kwonka omuntu ku ahindukira Mukama, ekyo ky'okwesangiza kirugaho.

Tikugira ngu itwe nitwemarira, kushusha oti ekintu kyona niitwe kirikurugaho. Manya okwemarira kwaitu kuruga ahari Ruhanga. Niwe yaatubaasiise kuba abaheereza b'Endagaano Ensya, etari mu iteeka erihandiikirwe, kureka erya Mutima; ahabw'okuba eiteeka erihandiikirwe riita, kwonka Mutima aha amagara.