Popular Bible Verses from Wurɔmiyé 7

Share

Kpuʔɔrɔ ti 'yɛli Kulocɛliɛ nɛ̄, weli Kàfɔli Zezi Kirisi fànʔa nɛ̄ gè. Ki 'nyaa bɛ̀ ki yē píra ŋáà nī wè, mi sɔ̀ngirɔ nī dè, mi nɛ sùkulomɔ kúu Kulocɛliɛ Fànʔa Siɛnrɛ mɛ́ dè, nɛ̀ sí ki taa bɛ̀ mi yē céri wè mi yē kapiile fànʔa láara gè.

Mi 'tɛ́ngɛ ki nɛ̄ a ki tɔ̀ni nɛ̀ yéri mi nɛ̄ wè, kacɛ̀ngɛ kire wè mi nīʔ, kire 'jo kacɛ̀ngɛ ki cɛ wè náʔa mi céri nī dè wīʔ. Ki kpíʔile láa kire tɔ̀ni yē mi nī, bè sí kacɛ̀ngɛ kpíʔile gè, kire ki wè baaʔ.

Ki 'nyaa kacɛ̀ngɛ gáà mi nɛ caa bèri kpínʔini gè, mi wè ki kpínʔiniʔ; kapiʔi gáà sí mi wè caa bèri kpínʔini gèʔ, kire mi nɛ kpínʔini.

A ki sí nyaa gìi mi wè caa bè kpíʔile gè, kire mi nɛ kpínʔini gè, m'bɛ̀ʔ mi nyɛ́ni ki kpínʔiniʔ; kapiile náà ni 'tɛ́ni mi nɛ̄ lè, lire nī.

Mi kɛ́nì kire tiɛlɛ náà nyaa lè: ki 'nyaa kacɛ̀ngɛ ki kpíʔile láa yē mi nɛ̄, nɛ̀ sí ki taa kapiʔi kiī bile mi táanni kpínʔ. Kire nɛ̄ Kulocɛliɛ Fànʔa Siɛnrɛ ti woli ni 'kpúʔɔ m'mɛ́ mi fungo nī gè.

A ki sí yē gìi mi wè caa bèri kpínʔini gèʔ, kire mi nɛ kpínʔini wè, kire 'ki tìɛ mi 'yéri ki nɛ̄ nɛ̀ ki cɛ́n Fànʔa Siɛnrɛ tiī cɛ̀nrɛ wī.