Popular Bible Verses from Tɔ́rilɔ 14

Share

«Gìi sí gī baa gè, kiì yɛli weli cíi Yewe nɛ̄ wèʔ. We fǎga de fìʔɛ́ kùlo náà ni siɛnnɛ nɛ̄ bèleʔ; pe cɛ́ni yē sipiɛlɛ wī weli mɛ́. Weli bé cɛ pe jáa wī. Pe kulocɛlɛlɛ nyúmɔ pi cɛ́nì láʔa pe nɛ̄; gàa sí ki weli kúɔ gè, Yewe yē nɛ́ weli ní. Ye fǎga tí weri fìʔɛ́ pe nɛ̄ʔ.»

‹Yewe fungo kiì yɛ̀ madɛniʔ; wi bànguɔ dɛ́nigɛ ki 'kpúʔɔ nɛ̀ tóri. Wiī nɛ kolimɔ nɛ́ tuudiʔɛlɛ yɛri gèle siɛnnɛ nɛ̄ bèle, nɛ̀ ki yaʔa wi wè tànʔa kanʔa siɛn mɛ́ʔ ŋàa wī kolimɔfɔli wèʔ. Wi nɛ̂ tuufɔlilɔ pe kolimɔ tɔ́ri bè pe pìile kúrugu bèle, fúɔ bè taa kɛ̀ngɛlɛ taanriwoli nɛ́ sicɛriwoli nɛ̄ lè.›

A Yewe sí ki nyaa wi bé kacɛ̀ngɛ kpíʔile weli mɛ́ wè o, wi bé weli kɔ́ri bè kɛ́ kùlo náà mɛ́ lè bè ni kɛn weli mɛ́ lè o, kùlo náà nī nɛ̀yirimɛ nɛ́ sárigɛ kiī nɛ fúu gè.

«Nɛ̀ yiri Kalɛbi nigbe nī, mi baakuɔwɔ wè, wire ŋáà wi 'sɔ̀ngijɛnrɛ taa dè, nɛ́ taʔa mi nɛ̄ nɛ́ sínnɛ ní lè, wire wè, m'bé wi nyɔ́gɔ kùlo nī lè nàa wi yé saanri nɛ̀ wéli lè. Wi pìile pe bé kùlo taa lè kɔrigɔ.

«-Ki juu pe mɛ́ ma pe yɛ: ‹Yewe wi 'ki juu nɛ́ jo: Mi nyɛ́nì kàli nìɛ nɛ̄, mi ŋáà wī wiiwe wè, m'bé yeli cò bè yɛli nɛ́ sànʔara dáà ní yeli juu dè, dàa mi 'lúʔu dè yeli mɛ́ dè.

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

A Isirayɛli tògo siɛnnɛ pe mìɛni Misa nɛ́ Arawɔn sànʔa wè, nɛ́ jo: «A weli yé cɛ́nì kùu baa Ezipiti kùlo nī lè, kire ga laa waama kùlo nī lè o !

A Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli bálì pe 'puu nɛ́ tundunminɔ ní bèle bàli Misa cé tun bèle a pe sɛ́nì kùlo saanri lè nɛ̀ wéli lè, a peli 'fali nɛ̀ pe burudo píle dè nɛ̀ cɛnminɛ, nɛ́ fali nɛ̀ ki juu Isirayɛli tògo siɛnnɛ pe mìɛni mɛ́, nɛ́ jo: «Kùlo náà weli sɛ́nì saanri nɛ̀ wéli lè, kùlo náà ni tɔ̀ni yē cɛ̀nnɛ. Kùlo náà ni tɔ̀ni nɛ̀ sɔ́migɔ nɛ̀ nyuɔ, weli wuulo !

Kire nɛ́ ki míɛni bɛ̀ mi yē wiiwe wè, á mi kpuɔmɔ pi 'dàala nyì lè, bàli pe mìɛni pe yé mi kpuɔmɔ nyaa bè nɛ́ fìɛlɛ bílì mi 'kpíʔile bèle Ezipiti kùlo nī lè nɛ́ waama kùlo nī lè, a pe 'mi puu nɛ̀ wéli fúɔ nɛ̀ taa tɔliyɔ kiɛ yè nɛ́ cíi piyè mi siɛnrɛ lúʔu dèʔ, peli pe mìɛni bèle, wàa nigbe sǐ ga tíi jíin baa kùlo náà nī lèʔ, lire náà nɛ̄ mi 'kàli nɛ́ nyuɔ kún nɛ̀ kɛn pe tobilo mɛ́ bèle; bàli pe mìɛni bīɛlɛ pe 'cíi mi nɛ̄ wè, piyě ga tíi ni nyaaʔ.