Popular Bible Verses from Tɔ́rilɔ 13

Share

Bà siɛnnɛ pe 'séli nɛ kúnʔɔri Misa táanni wè, a Kalɛbi 'pe yɛ pe- pìiri, nɛ́ juu nɛ́ pe ní nɛ́ jo: «Yeri báan we- kɛ́ we sa kùlo líɛ lè ! Nɛ́ ki cɛ́n weli bé gbɛ̀ jáa bè ki kpíʔile !»

Weli cɛ́nì siɛntɔniyɔ yáà nyaa baa, bàli bīɛlɛ Anaki jaala bèle, bàli bīɛlɛ siɛnfelige nàgakpaʔaliyɛ narigɛ gè. A weli 'yéri pe wàa táanni wè, weli nɛ̂ wìye nyaa kàbariyɛ tíɛlɛ wī, bɛ̀ peli míɛni peli nɛ weli nyaʔa.»

Siɛnnɛ bálì pe yé kɛ́ nɛ́ wi ní wè, a peli sí jo: «Weli sǐ gbɛ̀ jáa bè tún nɛ́ siɛnnɛ bálì ní bèleʔ, nɛ́ ki cɛ́n pe ŋɔri ti nyɛ́nì niʔɛ nɛ̀ tóri weli ŋɔri nɛ̄ dè !»

A pe ń'nɛ̀ kɛ́ yiʔɛ mɛ́ nɛ̀ kùlo faʔa lè Isirayɛli siɛnnɛ yiʔɛ mɛ́ gè, nɛ́ jo: «Kùlo náà tíimɛ weli sɛ́nì saanri nɛ̀ wéli lè, kùlo náà ni cɛ́ni ni siɛnnɛ káa bèle wī ! Siɛnnɛ bálì bīɛlɛ weli 'nyaa bèle, pe mìɛni yē nàgakpaʔaliyɛ wī.

Siɛnrɛ ti n'dɛ dàa pe pɛ́nì juu nɛ̀ tìɛ Misa nɛ̄ wè. Pe 'jo: «Weli tɔ̀ni nɛ̀ jíin kùlo nī lè baa muɔ 'weli tun wè. Kányiʔɛ nɛ̄ nɛ̀yirimɛ nɛ́ sárigɛ kiī nɛ fúu baa kùlo nī lè. Ni yasɛnrɛ ti n'dɛ.

«Gàa sí gī baa gè, kùlo ni siɛnnɛ pe tɔ̀ni yē nɛ́ ŋɔri ní díɛʔ ! Kàaya yi mìɛni yē kpoliyo nɛ́ ní sùluyo nɛ́ gunliriye ní wī. Weli cɛ́nì Anaki jaala nyaa bèle; pe sí tɔ̀ni yē nàgakpaʔaliyɛ sìtɔnijɛnyɛ !

Nɛ́ míɛni Amalɛkiyé ní bèle, peli yē baa Nɛgɛvi waama kùlo nī lè, nɛ́ Etiyé nɛ́ Jebusiyé nɛ́ Amɔriyé peli yē baa tɛ́ninɛ nyaguruyo tɛ́nimɛ nī bè. Kanaa siɛnnɛ, peli yē tɛ́ninɛ kuʔɔjii táanni wè, nɛ́ Zurudɛn cáʔa gògoyo nɛ̄ yè.»

A pe pɛ́nì yéri Misa nɛ́ Arawɔn yiʔɛ mɛ́ gè, nɛ́ Isirayɛli tògo siɛnnɛ pe mìɛni ní, baa Paran waama kùlo nī lè, Kadɛsi kàʔa tiʔɛ nī gè. A pe pɛ́nì siɛnnugoro juu dè nɛ̀ tìɛ Isirayɛli tògo siɛnnɛ pe míɛni nɛ̄, nɛ́ kùlo ni yasɛnrɛ tìɛ dè pe nɛ̄.