Popular Bible Verses from Matiye 26

Share

Ye- kò nyɛminɛ yeri náari, gìi ki bé tí yeli fǎga tuu Setɛni puuwelige nī gèʔ. Siɛn pìle lire tɔ̀ni nɛ cɛ̀ngɛ sɔ̀ngí; céri fànʔa kire ki 'cɛ́ri.»

A wi sí pe yɛ: «Laamɛ pi 'piɛn mi nī fúɔ nɛ waa bè mi kpúu. Ye- kò bile nyɛminɛ nɛ́ mi ní.»

A wi 'fali nɛ̀ sìʔɛrɛ cɛ̀ri nɛ̀ sɛ́nì tuu nɛ̀ yiʔɛ kíri gè dàala nɛ̄ lè, nɛ náari nɛ́ jo: «Tuufɔli, a ki yē ki bé gbɛ̀ kpíʔile gè, -wuʔɔgɔ gáà líili gè mi nɛ̄. Mi sí wè ki mɛ́ gìi mi nɛ caa gèʔ, fúɔ macɛn gìi muɔ nɛ caa gè.»

mi sìsiɛn kire gī, Kulocɛliɛ nyakungɛngɛ sìsiɛn gè, gàa ki 'wo siɛnniʔɛnɛ kɛnmɛ nɛ̄ bè, bè kapiʔile láʔa gèle.

Bà pe líi bèle, a Zezi wi 'búru líɛ wè, nɛ̀ barigɛ kɛn Kulocɛliɛ mɛ́, nɛ́ wi kúnminɔ nɛ̀ kɛn pìtɛnmɛnɛ mɛ́ bèle nɛ́ jo: «Ye- suɔ yeri káa, mi céri tire dī dàa dè.»

Nɛ́ kúɔ nɛ́ yagbuɔlɔ líɛ lè, nɛ̀ barigɛ kɛn Kulocɛliɛ mɛ́, nɛ́ ni kɛn pe mɛ́ nɛ́ jo: «Ye- gbuɔ ye tóri ye mìɛni bèle

A wi 'koli nɛ̀ pɛn wi pìtɛnmɛnɛ kúrugu bèle, nɛ̀ pɛ́nì pe nyaa pe ŋɔ́ni. A wi 'Piɛri yɛ wè: «Bɛ̀ yeli yē lé, yeli sì gbɛ̀nɛ jáa nɛ̀ kò nyɛminɛ nɛ́ mi ní nɛ̀ lɛ̀lɛ cɛ̀ri kúɔ léʔ ?

M'bé ki juu yeli mɛ́, nɛ̀ láʔa píra ŋáà nī wè, miǐ ní ɛrɛzɛn yasɛnrɛ luʔɔ káà gbuɔʔ, fúɔ bè taa cɛngɛ gíì m'bé ní ga kàa gbuɔ nɛ́ yeli ní cígini mi Tuu wi Kùlofɔligɔ nī gè.»

A Piɛri wi 'sɔ̀ngi nɛ̀ taa nɛ́ Zezi siɛnrɛ ní dè, dàa wi cé juu wi mɛ́ dè, nɛ́ jo: «Sɛ́ni nɛ́ gòpɔli wi nyɛni wè, muɔ bé ti kìɛ bè taa tɔliyɔ taanri bé jo muɔ sì mi cɛ́nʔ.» A wi sí yiri kpànʔanɛ nɛ̀ sɛ́nì nyɛni funbiɛnrɛ nɛ̄ kpuʔɔ.

Ye- yɛ̀ we- kɛ́, ŋàa wi je mi cò le mi leguulo kiyɛ nī yè n'ŋɛ, wi 'nɔ̀ nɛ̀ kúɔ we nɛ̄.»

A Zezi wi 'wi yɛ: «Koli ma muɔ ŋɔsii le wè baa wi tiʔɛ nī gè; nɛ̀ taʔa gíi nɛ̄, bìli mìɛni pe 'ŋɔsiile líɛ bèle, ŋɔsii wi bága pe cúʔɔ.