Popular Bible Verses from Efeso 4

Share

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Pi sẅí’i mbùm gi ńnáa ssé, ńgwɔ́ pʉ̀a ḿbʉ́le pʉlé, ńgẅiin kwɔ́gɔ nnɛ́. À cʉa nà nkwòŋo gie ee tsetsɛ̀ɛ pi, pi gwá’a gyáŋa lóŋ.

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

Pi pú ńkẅile shúm sie ée ntʉ́m pi ńgÿo ncwò gẅi pÿɔ́gɔ, ńkẅile lézá’ lekwɔɔn nyìŋ, ńkẅile gyáŋa lóŋ, tà pi gíŋe ńtág ntsaŋ, tà pi twó ncwò, pi pú ńgwá’ fʉ̀’ nò ntí ntí

Pi lɔɔn ńgyáŋa lóŋ, pi pɔ́ɔn légÿo nò tepòŋ, ḿbɔ́ɔn nèm légwaa pyé, agyáŋa lóŋ nyé ntʉ́m pi. Pi pɔ́ɔn lénná shÿó lɔg ńgwoon gẅi mbwo Sátà.

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte. Á gíŋe ne ńzɛ́te ná fʉ̀’ɔɔn ngie pi zẅíŋ e Ssé kúbe mà gẅi, à cʉ́’ʉ we sẅé, mbɔɔ nkwaŋá gẅi e cʉ́’ we sẅé. Á gíŋe ne ńzɛ́te ngie pi kúu ná mà we sẅé pá’ nyìŋ kaa nzsǒ sẅé ḿma’a ná ye la. E Ssé zɔ la nuŋe wɛ̌ mà. Wɛ̌ mà aa gẅie mé gyá ná nyìŋ gẅie à ne ńgiŋe ná pá’ á ne ńzɛ́te, ńgwɔ́ nyìŋ gẅie à léen ńnyé we le gwɔ́ ntsèm mbwo Ssé. Wɛ̌ légiŋ fóo ná nò nénʉ́.

Pi kag tʉ̀ lé ké ńgẅiin pɔ́ tà’ ncwò gẅie à fóo mbwo Zẅìge Ssé, yɛ̌ zɔ̌ gwɔ́ ná mbʉ́lè mbwo pʉ̀a, ńnáa wɔ́b tà’ ncwò.

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé. À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò. À kẅi’i ńgʉa nê mvfò tà pege cʉ́’ ńgẅiin pɔ́ tà’ ncwò gẅie à fóo ná pá’ pege záb ntʉ́m wégè pɔ́ ná Yěsô Míŋ Ssé, ḿbiŋ ńzsé yé, ńgú’ tà tsɔ́ mmó le gíŋe ńzága wégè wɔ́, pá’ áa ná yé ńgwɔ́ pú’u.

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́. Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.