Popular Bible Verses from Loomë 6

Share

Cibilë lifutë lin'vaanë lisumu mati lufwa. Kasi likabu lin'vaanë Nzaambi libuunë, mati luziingu lu sakë yi sakë mu lubundunu lwiitu yimunë Kliistu Yeesu Fumwiitu.

Boobo, lisumu lisë be lutumyooso ko, cibilë lusyeeli ko fë civikë ci n'kaakë, kasi mu muulë Nzaambi.

Mu lubatizyaalu, mwaawu tutuulu mu buumbë yimunë naandi mu kubakë kubundënë mu lufwa lwaandi, bwiinji, dedë mweekë Kliistu wuvulumukë fë bëfwa mu lutumu lu bumpumu bu Taatë, beeso yiviitu tuzingilë mu luziingu lumoonë.

Nutulyaanu ko binamë biinu mu lisumu dedë mweekë cisalulu ci kuvangilë libi. Tiilyoko, yiyin'dulyaanu mu Nzaambi, dedë mweekë baatu bavulumukë i luluvandikaanu benuveekë mu cisalu ci Nzaambi dedë mweekë binamë bisulëmë.

Zaabaanu buboti lyaliili : cimuutu ci ntamë cyabë yiitu cifwa yimunë Kliistu fë kuluusu, bwiinji nyitwiitu yi lisumu yibungënë i tuleembu kube ba bëndongo bu lisumu.

Bo bumweekë, bwiinji luzaabaanu yiviinu ti lwabë lufwa mu lisumu i dedë mweekë moonyi mu Nzaambi mu lubundunu yimunë Kliistu Yeesu.

Buni tufwenikini kuzitikë? Beeso tufwenikini kube zingilë mu lisumu bwiinji muulë wu Nzaambi wuba lunduu? Moniko! Beeso twafwa mu lisumu, buni tufwenikinyooso kuzingilë mu lisumu?

Beeno luzabisi buboti: ningë lulë mu kusalilë muutu mu kun'cinzikë, beeno lum'ba bëndongo yi fumu yinë lulë mu kucinzikë. Keti lilë ba lisumu lin'natë lufwa, keti luciinzu ke Nzaambi lun'natë ku luziingu lusulëmë.

Kasi, Nzaambi we dumi: beeno lwabë bëndongo mu lisumu, lwacinzikë mu n'timiinu wooso mu kulandilë mo lwacikunë mu liloonji. Beeno lwasyalulwaanu mu lisumu i lwacitukë bëndongo bësulëmë.