Popular Bible Verses from Kulusuwaraita 2

Share

Ape kuaye pesuantiwaa yawe yaneruixawa Kristu Jesus, yawete yuiri pewata irumu. Sapu arama penye sese, peyukiriari arama puranga sese, peiku arama santa sese kua peruyariwaa, kuaye yambuewaa yawe penye sese, ape pemee ixupe arama purangawaa yawewarawate.

Pemaa pesui tiarama awa upisika penye nyenga ukuawasawa irumu, nyenga ipuraimawaa irumu yuiri, kuaye apigawaita nyenga yawe, kuaye kua mundu uxariwaa yawe aintaumunya Kristu sui.

Asui penye yuiri umanuwaita kuera pepuxuwerasawa upe, tiresewara peyusirkunsidari pepira upe uxari upaka penye irumu, asui umburi yanesui panye yanepuxuwerasawa. Asui utiari yanesui panye kua yadeveriwaa ixupe umunyawaa yande arama puxi, asui uyuka yanesui panye ae, umukanyemu ae kurusa rese.

Nyãse panye Deus ukuawasawa uiku Kristu ipira upe. Asui penye yuiri teresemu penye Kristu irumu, aete aintaakanga panye tuixawaita, panye kirimbawawaita yuiri.

Tepexari aintaumbeu puxi perese timbiu resewara uuwaa arama resewara yuiri, u pemanduari resewara kua mundu, yasi pisasua yuiri, sauru yuiri. Nyãse anyunte sangawa kuera ae kua uriwaa kuerana, maa Kristu yara kua ipira.