Popular Bible Verses from Éxodo 9

Share

Wiho mejeta yʉhʉta jija tirore ‘Catisinijaro’ ni cũriro. Ã cũcʉ, ‘Yʉ tuaa tiare noano masijaro’ nicʉ, tirore wajãerasinija yʉhʉ. Tuhsʉ, ‘Tirore yʉ ã yoaa mehne ahri dacho jipihtiri dacho macaina cʉ̃hʉ yʉ jia tiare noano masijaro’ nicʉ, wajãerasinija yʉhʉ tirore” ni, yʉhʉre yahubasa namoga faraõre.

à yoa Moisere faraõ to yʉhdʉrʉcachʉ ñʉno, Yawe sehe tiro Moisere õ sehe niha tjoa: —Yʉhʉre faraõre õ sehe ni yahubasai wahaga: “‘Yʉ masa curuare wa wiojaro, yʉhʉre ti ño payoa wahahto sehe.

à yoa yʉhʉ sehe faraõre ã jichʉ to masa cʉ̃hʉre dóihta wajã duariro baro jicʉ, ñaa dohatia bajuachʉ yoa, tinare wajã tuhsʉboa.

To wa wio duaera, yʉhʉre mʉnanota to yʉdʉrʉcarucuchʉ ñʉi, yʉhʉ sehe egipto masa ti nuinare ñano purĩa duti mehne yariachʉ yoaihtja. Ã yoai, ti cawaloare, ti burroare, ti camelloare, ti wachʉare, ti ovejaare, ti cabraare, tina jipihtinare payʉ yariachʉ yoaihtja. Wiho mejeta israe masa ti nuina wahiquina sehere ne cʉ̃iro soro wahachʉ yoasi. Ã jia ti nuina sehe tí dohatia mehne yariasi.

à jicʉ mʉhʉ sehe yʉhʉre õ sehe ni yahubasa namoga tirore: “Ñamichacare, ahri pja baroihta co bʉtiapoca chorire coro mehne payʉ bora tachʉ yoaihtja. Yʉ ã yoachʉ, tiro sehe coã ã ñaca waro ñano wahachʉ ñʉno ninohca. Tó panopʉre ne di pja tó sehe tuaro co bʉtiapoca bora ñʉerare Egipto yahpare. à jiro faraõ sehe to masare jipihtina ti nuinare ti wahiquina wʉhʉsepʉ wihbo dutisinijaro. Tuhsʉ, tinare dahra cohtaina cʉ̃hʉre ti jia wʉhʉsepʉ sãa dutisinijaro. Yʉhʉ sehe co bʉtiapoca chorire coro mehne tuaro bora tachʉ yoai tai nija tinare. Yʉ ã yoachʉ, dohse jiina ti nuina wahiquina ã jichʉ masa cʉ̃hʉ ti wʉhʉsepʉ jieraina yaria pihtia wahaahca” ni, yʉhʉre yahubasa namoga faraõre —niha Yawe Moisere.

Mʉ doca site mʉochʉta, tí nuja cjiri me yoaro sehe tí yahpare paró ji sahserʉcʉ sʉa waharohca. Tí me ji siterʉcʉ sʉro puro masare, ã jichʉ wahiquinare musuripoca wija, tí poca tʉhnʉ site, ñano cami baaina wahachʉ yoaihtja —ni yahuha Yawe Moise cʉ̃hʉre. To ã ni yahuri baharo, Moise cʉ̃hʉ sehe picha nujare orẽ naha. Orẽ na, faraõ cahapʉ wahaha. To cahapʉ sʉ, to ñʉrocaroi tí nujare doca site mʉoha Moise. To ã yoari baharo, masare ã jichʉ wahiquinare musuripoca peri wijaha. Tí poca peri tʉhnʉ site, tinare ñano cami baaina wahachʉ yoaha.