Popular Bible Verses from Go̧dürea̧ Ma̧ȩ 7

Share

Ado Jeova judi yo̧rëremȩdejȩ Moiche ju̧i̧: —Danȩ Moiche, pjarao̧ judi Ütë tjamo̧mi̧ da oa dapadimȩ mȩa, pio cüdë tänȩa̧ oaiä. Ado Aro̧ judi, na̧ ayima̧i̧ pio judi, pio mȩa chjiari goë ni̧bäpadejȩ. Mȩnȩ ju̧i̧ yo̧a̧ pio ju̧i̧ goë yo̧pade.

Jabo danȩ, jiada tänȩpareconȩ pjarao̧ ju̧i̧. Pio cüdë tänȩa̧ oa ta̧rë ja̧bodëpadidibe. Ado jiade chjaoa̧ oaiä ca̧ jauëchja pio ju̧i̧ ana̧ri̧ na̧rȩparequedejȩrȩ Ejitoräpȩ cjo̧ro̧ji̧ri̧ pio ji̧ri̧. Tjamo̧ davä, ta̧rë ja̧bodëpadidibe pjarao̧ judi. Ja̧di tara uapai̧ da tjamo̧ri̧ na̧rȩ chjaoparequedejȩrȩ Ejitoräpȩ cjo̧ro̧ji̧ri̧ pio ji̧ri̧. Ca̧ ju chiarea̧ra̧ pio ju̧ri̧ra̧ ana̧ri̧ bape chjaoparequedejȩrȩ. Ado ja̧di dari̧ japea̧ duri oa, jabechji̧ chjadëri̧ go̧dü tänȩparequedejȩrȩ Icharai ja̧ u̧ri̧ pio judiri ja̧ji̧ri̧ pio ji̧ri̧, ca̧ pumȩ pio ji̧ri̧.

Ado cüdë ejichio pio ji̧ri̧ ca̧ jauëchara̧ ana̧ri̧ na̧rȩa̧ oaiä, icharaita pio ji̧ri̧ Ejito chiriri pio judiri go̧dü tänȩa̧ oaiä, 'Aja̧, Jeova pio judidida, teracaba ütëdë madida' quëna̧ dabapadiro̧coe ejichio judiro̧ —yo̧mȩrȩ yo̧rëremȩdejȩ Ütë tjamo̧ judi.

Ado pio ju̧i̧ daea̧ oaiä, pjarao̧ judi ëna̧diäa̧dejȩrȩ dabaji̧ri̧ pio ji̧ri̧, jauëchja cjiari̧ japaji̧ri̧ pio ji̧ri̧. Peaja̧di dari̧ japatä yo̧a̧dejȩrȩ. Ado jënȩro̧ daba̧ jauëchjara̧ pio ju̧ri̧ra̧ peaja̧di dari̧ japea̧dirȩ. Judiro̧ ütëborë arë cürëa̧diro̧jo̧ȩ jibëa̧ tai̧rea̧ to oa po ji̧ra̧pe bagari̧. Jabo Aro̧ ja̧ tai̧rea̧ toremȩ üdë codë oa tjürüa̧dejȩrȩ ji̧ri̧ ja̧ toremȩ oa.

Ja̧di tara yo̧requedemȩ. Pio coa chjiari chjadëri̧ dabaparenȩ yaba̧. Jabechji̧ ca ju chiarea̧ pio ju̧i̧ daparenȩ. 'Aja̧, Jeova pio judidida, ja̧di dari̧ japamȩdida, ju chia tjamo̧dida' quëna̧ dabaparenȩ. Jabechji̧ cüdë ca̧ ichirä cjiamȩ tai̧rea̧ tora̧ pio ju̧ri̧ra̧ bidepareconȩ ui oa, Niro quȩmȩ bea ui oa. Aja̧, goe mape bagari̧ bidepareconȩ.

—Danȩrȩ, mȩnȩro̧ pjarao̧ pio ju̧i̧iäpȩ järä, na̧rȩtä yo̧rä judi, jauëchja cjiari̧ na̧rȩtä yo̧rä judi, jabechji̧ yo̧jo̧ȩ Aro̧ pio ju̧i̧ jibëa̧ tai̧rea̧ to oa daburäpȩmo̧ arë cürëtä. Jabechji̧ pjarao̧ ja̧ dëbëräpȩ ju̧ri̧ arë cürëtädejȩ pope bagarea̧mi̧ dari̧ —yo̧a̧dejȩrȩ Ütë tjamo̧ judi. Pio ju̧i̧iä goëdepea̧diro̧jo̧ȩ pjarao̧ ju̧i̧. Ütë tjamo̧ pio ju̧i̧iä ma̧ȩ ta̧rë ëte, jabechji̧ Moiche judi, Aro̧borë goëdepea̧diro̧jo̧ȩ. Ado jauëchja cjiari̧ na̧rȩrëreji̧ri̧diro̧jo̧ȩ Jeova pio judi yo̧a̧mi̧. Aro̧ judi daburäpȩmo̧ arë cürëa̧dejȩ jibëa̧ tai̧rea̧ to oa pjarao̧ ja̧ dëbëräpȩ, pio ju̧i̧ a̧doji̧ri̧borë darea̧mi̧ dari̧. Ado chjaodëri̧ pope bagarëremȩde toremȩ üdë.