Popular Bible Verses from Go̧dürea̧ Ma̧ȩ 6

Share

Ja̧di tara yo̧tä earequedemȩ icharaita pio ji̧ri̧iäpȩmo̧. Ja̧di ta̧rëri̧ yo̧tä earequedemȩ pio ji̧ri̧iäpȩmo̧: "Danȩrȩ, Jeova pio judirequede cüdë. Ca̧ ju chiarea̧ra̧ pio ju̧ri̧ra̧ ana̧ri̧ bape chjaoparequedejȩrȩ ejichio pio ji̧ri̧. Jabo pio dibë chjätärea̧ yürüparequededibe. Danȩrȩ, Ejichio judiro̧ gitoi̧ dari̧ ja̧bepa tänȩa̧ chja̧oeri judiri go̧dü tänȩparequededibe. Jabechji̧ ejichio ja̧ mu̧i̧tjoi̧dë mape bagari̧ go̧dü tänȩparequededibe.

Ado danȩrȩ, pio dibë mitëparequededibe ca̧ pumȩ mape bagari̧. Ado mȩnȩro̧, 'Aja̧, pio judimo̧rȩ ibëa̧ Ütëdida' quëna̧ jo̧rȩtaparenȩro̧coe. 'Aja̧, Jeova pio judidida, ibëa̧ Ütë pio judida, Ejito chiriri pio judiri go̧dü tänȩa̧diibëda, mu̧i̧tjoi̧dë mape bagari̧ go̧dü tänȩa̧diibëda' quëna̧ daba mapanȩrȩ pio coa chjiari.

Aja̧, chjadëri̧ ëba baäparequededibe dibëa̧ chiriräpȩ yuro. Tjamo̧ davä. Cüdë Abaraa̧ ju̧i̧, Icha ju̧i̧, Jacobo ju̧i̧ yo̧ë cji̧därërea̧ chiri pio ju̧i̧ yürüparequededibe, ano̧ mire jo̧rȩtarea̧ decjiari̧. Aja̧, dibëa̧ chiripe bagari̧ yürüparequededibe pio dibëiäpȩmo̧. Jabechji̧ Jeova pio judirequede —yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi. Ado Ütë tjamo̧ judi Moiche pio ju̧i̧ yo̧a̧mi̧ yo̧rëremȩdejȩrȩ icharaita ji̧ri̧, jabo ta̧rë ja̧bodëa̧diro̧jo̧ȩ. Jabechji̧ judiro̧ mu̧i̧tjoi̧ maearë to̧bari̧ ja̧bepe chjaoa̧ oaiä, ma̧i̧ dari̧ conȩda̧ oa cjo̧ro̧a̧ oaiä, jabechji̧ järi tjamo̧dëpe baga̧ maeadirȩ. Pio ju̧i̧iä ta̧rë ja̧bodëa̧diro̧jo̧ȩ.

Ado Jeova judi dëbë yo̧mȩrȩ yo̧rëremȩdejȩ Moiche ju̧i̧: —Danȩ Moiche, yaba̧ daparenȩ cüdë pjarao̧ pio ju̧i̧ japapea̧ ji̧. Ca̧ ju chiarea̧ra̧ pio ju̧ri̧ra̧ goae tarari̧ dëbëpe chjaopareconȩ. Ado pio ju̧i̧iä baä tänȩpadejȩrȩ icharaita ji̧ri̧. Cüdë ana̧ri̧ na̧rȩa̧ oaiä, jo̧ȩra̧pe baä tänȩpadejȩrȩ —yo̧mȩrȩ dëbë yo̧a̧dejȩ Moiche ju̧i̧ Ütë tjamo̧ judi pio jȩa iëno̧ë ta̧rëa̧mȩ oa.