Popular Bible Verses from Marcos 7

Share

Bei täbä bufi jamö tä wa̦lidiwä didia yalo, wa̦lidiwä tä jamö bä bufi shino dayäo. Ö̦jö däjä, bä nofi beshili jushuaö. Shomi täbä madofi ca̦i lämaöje. Täbä ca̦i yanowamö shäöje. Bä ca̦i joleblalou. Bä bufi ca̦i waiyou. Wa̦lidiwä tä ca̦i taöje. Bä ca̦i jolemou. Wa̦lidiwä tä taö bufi ca̦i doblaoje. Ai täbä dodijaö ayao ja, täbä nofi ca̦i wa̦libouje. Täbä a̦fa ca̦i wayoaöje. Cama bä nofi ca̦i yaimamou. Bä bufi dao mlalanö bä ca̦i cuaaö buo. Ö̦jö tä wa̦lidiwä bluca lä cui, yanowamö täbä bufi jamö tä fa didionö, tä wawäblou. Ö̦jö tänö täbä bufi yai shamiblou.

Täbä lä waö wejei täbänö täbä bufi shamiblou daomi. ¿Ö̦jö tawä? Täbä lä cublai täbänö mlai, bei täbä bufi jamö tä lä didilenö, ö̦jö tänö täbä bufi yai shamiblamou —bä nowa tama.

Abinaja Jesús e cuma. —Yai Bada a wa̦no wäyälewä Isaia a lä cuinö, cafä wamacö a̦fa wäyäö balöo ja, a bejedimoma. Jole jole wamacö dodijaö buo. Abinaja tä a̦ cuu. Fei bä lä cuinö, bei bä caficönö wale nofi doablaö ma buo wejei ma cui, camiyä nija bei bä bufi yai cuami.

Camiyä wale a̦fa Bada doblao ma taö wejei ma cui, bä jolemou dicoo ja, bä a̦ nö bleo bädao. Iba tä a̦ jo̦wa ma wäyäö wejei ma cui, ö̦jö iba tä a̦mi. Cama yanowamö täbä a̦ li bädawä. ’Einaja tä a̦ cuu —Jesús a cuma—.

¿Ö̦jö tawä? Yai Bada tänö tä nabä yai lä shömaö wei wama tä taö mlai ja, wamacö nö badabö lä cuaano wei wama bä shino owäbou bufi doblao dicoo.