Popular Bible Verses from Marcos 1

Share

Tä mö didi sublao showao däjä, Jesús a jocäblou fa jalulonö, täbä bälöa lä mlale jamö a aa fe jalulayoma. Ö̦jamö Yai Bada nija a wa̦ fama.

Abinaja bä nowa taö cuaama. —¡Fei däjä waiquiwä! ¡Wa̦lidiwä tä ja, bä bufi da lädalu! Yai Bada tänö cama ebä ca̦i nia lä cuo wei, tä ajedou waiquia lä cuimi. Yai Bada dodijidawä tä a̦ bejedi ca̦i da bufije —bä nowa taö cuaama.

A fe fa ojoblamolunö a washölöblou co̦o däjä, lobe judu mösö ca jolaa dalalema. Yai Bada a Bufi, jai joledo a cuwä, a itou ca̦i daa showaadalalema. Ö̦jö däjä, fedu jamö tä a̦ fa bädaludunö, abinaja Yai Bada a cuma. —Ijiluyä bäfä nofimaö lä dodijile, cafä wa. Cafä nija bejedi lä ya bufi yai doblalou dodijio —a cuma.

Camiyänö bämacö fe ojoblaö däjä, mau u ja bämacö jödödöblamaö ma cui, ö̦jö a lä cuinö, mau unö mlai, Yai Bada a Bufinö wamacö nia jödödöblaö.

Abinaja Jesúsnö cäcöbö nowa tama. —Jabo. Cäcöbö da yauiquiyo. Yuli bä bädawä mlai, yanowamö wafä täbä nabä shino yai lä juu wei wafäcö cublobä bäfäcö nia tablamaö —cäcöbö nowa tama. Ö̦jö däjä, a wa̦ fa ji̦libölänö, täcö walalawä daböa fa showadacöfälönö, ö̦jö nijamö cäcöbö yaua showadalayoma.

Bä damaö däjä, a wa̦ lä shaliliablalou wei a wa̦ ja, bä bufi möaaö dodijioma. Moisesi etä a̦ ja bä showadi damaö lä cuaano wejeinaja, a wa̦ ji̦limamou cuono malä mlai. Jai tä a̦ yai daö shalilio showadaoma, a wa̦ ji̦liaö malä cuaano wejei.