Popular Bible Verses from Mateo 28

Share

Ö̦jö cudeenö, camiyä ya wa̦nö bä juu da cuaafälö. Bluca bä bälöjöwä lä yaiblai bä da yömöladuje, camiyä nija bä nocao mö feduobä. Fayä a wa̦ ma cuinö, bä Ijilubö ya e a̦ ma cuinö, Yai Bada bei Bufi a wa̦ ma cuinö, ö̦jö yamacö a̦nö wama bä fe ojomaö cuaabä. Cafä wamacö nija ya tä tamaö lä bufino weinaja bä cuaaö mö feduo showaobä, bä damaö da cuaaje. ¿Ö̦jö tawä? Yai Bada tänö täbä jödödöwä waicaö showao mlao däjä, showadi bämacö ca̦i nia cudio —bä nowa tama.

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

Suwä cäcöbö nija abinaja a̦jele e cuma. —Cäcöbö quili dijä. Jesús wafä a lä dayäboyoi bäfäcö daö, fii balitama defi jamö a lä basuono wei a lä cui. Eja a cuami. A demi jocädou waiquilayoma tai, cama a lä cuno weinaja showawä. Jabo, ö̦jö lä, a nomawä lä maqueono wei wafä tä möblaaö balöobä.

Ö̦jö däjä, abinaja Jesús e cuma. —Cäcöbö quilii dicoo dijä. Fääshäyä wafä bä nia yömölajalayou, Calilea jamö bä jufälöbä. Ö̦jamö lä wale nia möö co̦oje —e cuma.

Ö̦jö bä bada lä cuinö, judio ai bä bada fa yododoblamalöjenö, bä a̦ bluca wayolayoma. Ö̦jö däjä, tä lä cublaliyono wei tä a̦ wäaö dicoo mlaobeje, sodado bä nija blada bä jöböquemaje. Abinaja bä nowa tamaje. —Bei. Tä lä cublalufe, wama tä a̦ yai wäyäö mlai ja, abinaja wamacö shino cubä. “Jesúsnö bä lä nocamabono wei bä lä cuinö, bä nofi didi waloa fa ja̦toicunö, yamacö mio däjä a nomawä co̦a ja̦tolefälöma sijei”, wamacö cubä. Einaja wamacö shino cubä, ö̦jö lä. Biladonö tä a̦ ji̦liaö bädao ja, yamacö a̦ läblou weicätä, wamacö nö bleaamaö dicoo mlaobä —bä nowa tama. Einaja bä cuu ja, sodado bänö bä blada dälemaje. Bä nowa lä tano wejeinaja tä a̦ jole wäyäö cuaadayomaje. Judio bä nija ö̦jö tä a̦ blaucublou fa showadalonö, tä a̦ tabou showaa lä cudujei.