Popular Bible Verses from Mateo 8

Share

Abinaja Jesús e cuma. —¿Wedi tä tabä wamacö li quilii? ¿Yai Bada wama tä nofi li mölaboimi dicoo tawä? —e cuma. Ö̦jö däjä, a fa jocädalunö, wadoli a wasöa showadalema, u ca̦i bada lä shäyäjono wei u ca̦i. Ö̦jö a wa̦nö tä bluca ononodou showadalayoma.

Ö̦jö ma cui, Lomateli a bada lä cui, abinaja Jesús nija a cuma. —Bada tä. Bäfä nö yafimabimi camiyänö. Ya quilii. Wale bayeliblabä yami, judio ya malä mlai. Eja culanö ma cui wa wa̦ blajawä faö ja, ya nosie juamobä a lä cui, a nia jalou showadao.

Ö̦jö a wa̦ ja, bejedi lä Jesús a bufi doblaloma. Bä lä nocaono wei bä nija abinaja a cuma. —Cafä wamacö nija ei ya wa̦ lä cui, bejedi lä ya wa̦. Ei Lomateli a lä cuinö wale nofi mölabou lä culenaja, Isaeli wama ecö nija, moli ma cui ya dablaö bädaami.

Ö̦jö däjä, sodado bä ca̦i lä cuono wei a lä cui nija, abinaja Jesús a cuu nomöjöoma. —A da co̦lufälö. Wale nofi mölaboma yalo, wa wa̦ juamobä a lä cui, a jaloa waiquilayoma —a cuma. Ö̦jö lä däjä showadawä a jalolayoma.

Bä bufi yai shädayaimolanö bä wa̦liyoma. —¿Ei wedi bei a li dodijiwä? Wadoli a bada ma cui, mau u bada lä shäyäjou wei u ma cui, cama a wa̦nö täbä nofi mladou si ijejewä yai —bä cuma.