Popular Bible Verses from Mateo 7

Share

Abinaja Jesús a cuma. —Yai Bada nija bä da naco, wamacö dobäö cuquei. Dodijidawä tä da dayäaje, wama tä dablaö weicätä. Bei yoca da cloocaje, yoca caloblaö wä. ¿Ö̦jö tawä?

Bä lä nacou wei bä bluca lä cui, bä malä dobämou wei. Inaja showawä, tä dodijidawä lä dayäaö wejei bä nija tä dodijididawä dablamou. Bei yoca lä cloocaö wejei bä ma cui, ö̦jö bä nija yoca caloblamou.

Abinaja Jesús a cuma. —Camiyä ei wale a̦ lä ji̦liaö wejei däjä, wale a̦ juaö lä showadao wejei bä lä cui, abinaja ö̦jö bä li cuwä. Bufi moyawälanö cama e yafi lä i̦tamano wei a lä culenaja, ö̦jö bä li cuwä. Ö̦jö a lä cuinö täca fa blajamalönö, bei masi blaa lä co̦jomole jamö e defibä colo fa i̦taolalönö, e yafi i̦tao lojodooma.

’¿Ö̦jö tawä? —a cuma—. Ai täbä nija cafä wamacö nofimamou bufi lä doblao weinaja, inaja showawä ai wama täbä yai nofimaö cuobä. Inaja wamacö cuaaö ja, Moisesi wama etä a̦ nofi cadidibou waiquiwä. Yai Bada a wa̦no wäyälewä bä ma cui, inaja wamacö cuaaö ja, ö̦jö wama bä a̦ nofi ca̦i cadidibou mö feduwä.

Ö̦jö ma cui, täbä ba̦limi cuobä yo jamö täbä jubä, yoca wajaquemi. Ö̦jö yo jamö täbä juu si ijejewämi. Ö̦jö yo yai lä dablaö wejei bä lä cui, bä bolacami —a cuma.

Abinaja Jesús a cuma. —Täbä ba̦limi nia lä cuo wei yo jamö wamacö jubä, wajaquemi yoca jamö bä faö fe da yadiofälö. ¿Ö̦jö tawä? Shobali wacö nö mayo yoca shino blaucuwä. Ö̦jö yo ca̦i wawädowä. Ö̦jamö lä bä lä juu wei, bä bluca fe balojowä.

Wa̦lidiwä talewä wamacö ma cui, dodijidawä ijilufä wama bä dobäö daö waiquiwä ja lä, Faafä fedu jamö a lä culadi, ö̦jö bei a nia shino yai dodijaö fe balojoo. Dodijidawä tä ja bä lä nacou wei bä nija tä jöböaö wä.

Abinaja Jesús a cuma. —Yanowamö bä dobloimi jöma dijejä, Yai Bada tänö cafä wamacö jömaö mö feduo mlaobä. Wama bä jömaö si lä ijejeo weinaja, inaja showawä Yai Bada tänö wamacö nia jömaö cuo mö malä feduo wei. Bufi lämou mlai ja ai wama bä jömaö dicoo ja, inaja showawä cafä wamacö ma cui, bufi lämou mlai ja Yai Bada tänö wamacö nia jömaö mö feduo.

’Ai bä lä cuinö, camiyä ei wale a̦ ma ji̦liaö wejei ma cui, wale a̦ juaimije —a cuma—. Ö̦jö bä lä cui, abinaja bä cuwä mö feduwä. Ai a lä cui, a bufi dao mlalanö cama e yafi i̦tamaö lä bädaono wei a lä culenaja, ö̦jö bä cuwä mö feduwä. A bufi dao fa mlacunö, cama e yafi i̦tamama ma cui, mlaca mlaca bä cuobä jamö e defibä i̦taa bäaquema.

’Aifä a mamo jamö libu libu wa ma möö wei, cafä wa mamo jamö fii wa fi bada lä ca̦bole, ¿wa nö ö̦jöböamoimi tawä? —a cuma—. Cafä nija fii fi bada ma läo däjä ma cui, ¿aifä nija bei wa wa̦ nia li faö? ¿Aifä mamo jamö libu libu e wai lä ca̦le, ö̦jö bei wa e nia li joyaö?

Abinaja Jesús a cuma. —Yai Bada a wa̦no wäyälewä bä a̦fa jole lä jilou wei bä nija bä da moyaweicu. Cafä wamacö fe walooje däjä, oweja bä nö ishobimi lä culenaja bä mömou ma cuablalou wei ma cui, bä möla dijä. Ji̦ima bä yai lä waitelimou wei bänö täbä nabä queo si ijejewä lä culajeinaja, inaja bä bufi lä cui cäbä. Nii bä lalou däjä defibä nö ö̦jöböamou lä culenaja, inaja showawä cama bä ma cui wama bä nö ca̦i nia ö̦jöböaö cuo. ’Mösöcö bä jamö, nii bä jucamou dao malä mlai —a cuma—. Ico bä ma cui, uba bä ma cui, ö̦jamö lä bä nia yädäomi.

Fii fibä lä dodijidai fibä jamö, nii wa̦lidiwä cäcö nia lalou buomi. Inaja showawä, fii wa̦lidii fibä jamö, nii dodijidawä bä nia ca̦i laloimi mö feduo.

Fii fibä lä dodijidai fibä jamö, nii wa̦lidiwä bä nö lalobimi waiquiwä. Fii wa̦lidii fibä ma cui jamö, nii dodijidawä bä nö ca̦i lalobimi mö feduwä.

¿Ö̦jö tawä? Nii dodijiwä bä lalou lä mlai fibä fa diyälalöjenö, fibä nia yablaöje.