Popular Bible Verses from Lawana Nani 34

Share

Kupia lukra kriwan bara bîla kaikanka sin âpu takan uplika ba lamara Dawan bâra sa, witin baha uplika nani ba swaki sakaia dukiara.

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Man nani, Dawan tânka ba kaiks pain sa bara tânka brima. ¡Lilia pali sa baha uplika, Dawan kat ai yukuwaika kulki ba!

Baha nani Dawan ra kaiki nani ba, lilia mita mawan nani ba ingwisa; baha nani ba swira daukan kabia apia.

Watauki uplika nani inanka ba, Dawan walisa; trabil nani wina sin swaki sakisa.

Dawan ra yamni kulki uplika nani ba, Dawan insalka ba mita kan kahbi, swaki sakisa.

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Ban kaka, twisam ba saura aisapara, unam nani sin kunin lâka aisaia ba wina sâks.

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Man nani, yang wal Dawan ra mayuns, bakahnu witin nina ba mayunbia, wan bîla baikra kumi baku.