Popular Bible Verses from Romu 3

Share

sea kiadamu ta sarueko samu ni seta vaṉa kamu vo Baṉara oka zariako sidopu kasi azo sole. Melai vo Baṉara ko utuakoi puariko voko roquano kale kiadamu ta sidopu ke eva vo Jisu Karisito ko tabarimo kale, vo o rupasimani.

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole

Vo Baṉara ta lula majibolo jaria puarivo o eve vo, tu voko voukale kiadama maba ko sarueko ta ko akoilou seko vai oqu kale vo. Koa kalo kale vo Baṉara ta kasa o ikake voko sidopu. Ako lulavo vota ota ma bouluke se lulamu ko sarueko; melai erisaṉa vota o puariva vo Jisu tu o puratiko voko sidopu. Koa kalo kale vo Baṉara ta kasa o ika voko sidopu ni vota o sidopu puema seke ṉeamuvani vo Jisu.

Ako puliala ta o rovea sidopu puilo vo Baṉara ko kelokelozato kale ko Bazu kikolani ko lulueko kale; melai ko Bazu ko nianiiekato kale inio vo maba ta o vakakuka voko sarueko.

Omadeuvo ko Tabu ama Riki kikolani jari: “Puliala kala pado ta sidopu ala, puliala kala pado ta o patapataeva vo Baṉara ni o sidopua ilusivani vo. Kiadamu ta ke vaevake vo Baṉara; ni seta ruqe ko kiada keta evake; puliala ta uri ama quli o ereka, maba puliala kala pado.

Sokale avo inio aṉata a uria patapatae ta oqu kale inio vo maba ko sidopu elo Baṉara ko kelokelozato kale, melai pui Bazu ko kasekako quli kale.

Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”