Popular Bible Verses from 1 Korintus 2

Share

Rencana itu sama deng yang tatulis di Kitab Suci, bagini: “Tuhan Allah so kase sadia banya hal untuk orang-orang yang sayang pa Dia. Yang Dia so kase sadia itu, bolong perna manusia lia deng dia pe mata, bolong perna manusia dengar deng dia pe talinga, deng bolong perna ada pa manusia pe pikiran.”

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Memang dulu, tarada orang yang tau tentang Tuhan Allah pe rencana itu. Tapi skarang, Roh Kudus so kase tau itu pa torang. Dia kase tau itu pa torang karna Dia me tau samua sampe Tuhan Allah pe isi hati.

Kong torang, torang tara tarima roh yang dari dunia ini, tapi torang tarima Roh Kudus yang dari Tuhan Allah, supaya torang tau samua yang Tuhan Allah so kase pa torang deng cuma-cuma.

Waktu kita babicara pa ngoni, kita tara pake manusia pe pande untuk kase yakin pa ngoni apa yang kita bilang. Tapi waktu itu, Roh Kudus pe kuasa yang kase yakin pa ngoni sampe ngoni tau yang kita bilang itu, butul. Deng Roh Kudus biking bagitu, ngoni bole percaya pa Yesus Kristus, bukang karna ngoni iko manusia pe pande, tapi karna Tuhan Allah pe kuasa.