Popular Bible Verses from Chivumbuzi 22

Share

Ine ndine Alfa ndi Omega, wakudanga ndi wakumariya yo, chandu ndi umari.”

“Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu. Wezi wo wa Ambuya Yesu eŵa ŵiye Wakupaturika wo. Ameni.

Ine nda Yohane ndisimikizgiya kwaku yose yo watuvwa mazu gha umchimi wa buku lenili, asani munthu wakuskiyengeko ku mazu yagha, Chiuta wakuskiyengeko kwaku iyo videru vyo vyalembeka mu buku lenili, ndipo asani munthu watuzgengeko ku mazu gha buku la umchimi wenuwu, Chiuta watuzgengeko chigaŵa chake chaku muti wo wa umoyo, ndi chamu msumba wo wakupaturika, vinthu vyo vyalembeka mu buku lenili.