Popular Bible Verses from ŴaHebere 11

Share

Kweni chivwanu nchimbondu cha vyakugomekezgeka vyo, chirozgu cha vinthu vyambura kuwoneka. Chifukwa awaku chenicho ŵaraŵara wo ŵangusimikizgikiya.

Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

Ndi chivwanu Abrahamu, wanguti wadanika, wanguvwiya kuti watuwemo kuya ku malo ghenigho wakarondanga ngenchihara; ndipo wangutuwa, wambura kuziŵa ko wayanga. Ndi chivwanu wangutandara ku charu cho cha phanganu, ulaka nchilendo, wakuja mu mahema, pamoza ndi Yisaki ndi Yakobe, ŵakuhariya pamoza nayo phanganu lenilo

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.

Ndi chivwanu wangusamiskika Hanoke kuti wareke kuwona nyifwa; ndipo kuti wangusanirika cha, pakuti Chiuta wangumsamiska: chifukwa wenga wandasamiskike, wangusimika kuti wamkondweska Chiuta.

Ndi chivwanu Abelu wangupereka kwaku Chiuta mpasku wamamphako kwakuruska Kaini, mwaku weniwo wangusimikizgikiya kuŵa murunji, Chiuta iyo wachimsimikizgiya pa mipasku yake; mwaku chenicho nacho chingana wakufwa wacharongoro.

Ndi chivwanu Sara iyo nayo wanguronde nthazi yakuzuukiya mbeu pavuli pa nyengo ya uŵisi, pakuti wangumpima wamagomekezgeka mweniyo wangupangana

chifukwa walerezenga msumba wo wakuŵa ndi viŵanja, waku weniwo mzengi ndi chata ndi Chiuta.

Ndi chivwanu Mosese, wati waŵa mura, wangukana kutamulika mwana wa munthukazi waku Farao; wangusankha kuchitikiya uheni pamoza ndi khamu laku Chiuta kwakuruska kuŵa kwanyengo ndi malikondwa gha uheni; ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu. Ndi chivwanu wangureka Egipiti, kwambura kopa kandundu ka karonga yo; chifukwa wangukunthiyapo, uli ngwakumuwona yo ngwambura mawoneka.

Ndi chivwanu Abrahamu, wacheseka wangupereka Yisaki nge ndi mpasku: ndipo mweniyo wangurondapo mapanganu wangupereka mwana wake wakuwa yija

Ndi chivwanu Rahabe, munthukazi mureŵi yo, wengavi kunangikiya pamoza ndi ŵamtafu wo, pakuti wanguronde skoli ndi chimangu. Ndipo nkhakambanga so chine?

Ndi chivwanu ŵangwambuka Nyanja Yiyera yo nge mpha yumu: yeniyo ŵa Egipiti nawo pakwesa kwambuka ŵangubira.

Ndi chivwanu malinga ghaku Yeriko ghanguwa pasi ghanguti ghazingirizgika mazuŵa ghankhonde ndi ghaŵi.

Ndi chivwanu wanguchita phaska, ndi chiwazga cha ndopa so, alinga kuti yo wanguŵananga ŵakupapika-danga wangaŵakwaska cha.

Ndi chivwanu Yosefe, wachifwa, wangukamba ndi chituwa cha ŵana ŵaku Yisraele; ndipo wangulanguliya vya pa viwangwa vyake.

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Ndi chivwanu Yisaki wangutumbika Yakobe ndi Esau, kuchiri ku vyakukhasa kuŵapo navyo.