Popular Bible Verses from ŴaGalatia 5

Share

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa, upovu, kujitintha; dangu lakukanizga vyaviyo palive.

Kweni ndititi, endeyani mu Mzimu, ndipo kuti mufiskenge khumbo la liŵavu cha.

Asani tijariya umoyo ndi Mzimu, ndi Mzimu so tendeyenge.

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

Ndipo milimu ya liŵavu njakuwoneka, yeniyo mbureŵi, wiyu, masomaso, chisopangoza, ufwiti, mawongu, zindeu, zisanji, vikwiya, matukutuku, zimbembi, mapambuku, viŵinu, mauloŵevu, vindimba, ndi vyakulingana navyo: kuchiri kwaku vyenivyo ndikuchenjezgiyani limu, nge ndimo ndingumuneniyani kali, kuti wakuchita vyaviyo kuti waherenge ufumu waku Chiuta cha.

Chifukwa imwe, mwabali, mungudanikiya ku wanangwa; kweni mungasanduska wanangwa winu chitendeku cha liŵavu cha, kweni mu chanju teŵeteranani.

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

Chifukwa chilangulu chose chafiskikiya mu mazu ghamoza, mwaku ghenigho; “Wajenge munyako uli ndi wamweni.”

Tingaŵangaŵabereŵeza cha, ŵakusosomorana cha, ŵakuŵiniwana cha.

Ndi wanangwa Kristu watisanduska ifwe ŵanangwa: viyo ngangamikani, ndipo mungawira so cha mu goŵa la uŵanda.