Popular Bible Verses from Marangu 6

Share

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Maghasambizgenge ku ŵana ŵinu kwalwana; ndipo mughakambenge muchija mu nyumba zinu, ndi penipo mutenda mu nthowa, ndi penipo mugona pasi, ndi penipo muyuka.

Mazu yagha ndikulanguliyani zuŵa ili ghaje me mitima yinu.

“Vwani Yisraele, Ambuya Chiuta winu, ndi Chiuta yumoza

Ndipo mughamangiliye pa janja linu nge nchisimikizgu, ndipo ghakaŵanga nge ndi mphumphu yachiremba ya pakati pa maso ghinu.

Ndipo mugharembenge pa mphanjizgo ya nyumba zinu ndi pa malikomo ghinu.

Muŵawope Ambuya Chiuta winu, ndi kuŵateŵete, ndi kurapa ndi zina lawo.

“Ndipo Ambuya Chiuta winu wamuserezgani mu charu, cho wangurapiya auskemwe Abrahamu, Yisaki ndi Yakobe, kumpaskani, ndi misumba yake yikuru ndi yamampha yeniyo mulivi kuyizenga, ndi zinyumba zakuzaza ndi vyamampha kuti munguzazamo imwe cha, ndi visima vyakukumbika kale, vyo kuti mukukumba imwe cha, ndi minda ya mphereska ndi miti ya olivi, yeniyo kuti mungupanda cha, ndipo penipo mwamukurgha ndi kuguta, chenjeni vinu mungachiruwa Chiuta, mweniyo wakumutuzgani mu charu cha Egipiti, munyumba ya uŵanda.

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda. Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Ndipo muchitenge cho nchakurunjika ndi chamampha pa maso paku Chiuta, mwakuti kuŵenge kwamampha kwaku imwe, kuti mukasere kwachironda charu chamampha cho Ambuya angurapiya auskemwe kuŵapaska

vinu ukari wa Ambuya Chiuta winu ungakole kumikana namwe, ndi kumumarani kumutuzgani pa charu, pakuti Ambuya chiuta widu, yo we mukati mwinu, ndi Chiuta wasanji.

Mungarondonga ŵachiuta ŵanyake, ŵachiuta ŵa ŵanthu wo ŵakukuzungulizgani

“Mungesanga Ambuya Chiuta winu, nge ndimo mungumwese pa Masa.