Popular Bible Verses from Marangu 5

Share

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Ungavilambiyanga chingana nkhuvitataliya, chifukwa ine, Ambuya Chiuta wako, nde Chiuta wa sanji, wakusiskiya uheni wa auskeu pa ŵana mpaka mgonezi wa chitatu ndi wachinayi wakuŵeniwo ŵatinditinkha, nde wakuchitiya lisungu ku vikwi vyaku ŵeniwo ŵatindanja ndi wo ŵasunga marangu ghangu.

“ ‘Ungazichitiya ngoza wakusemeka, chingana, nchikozgo cha kanthu kose kamu machanya, chingana nkhamu charu pasi, chingana nkhamu maji pasi pa charu.

“ ‘Ungajanga ndi ŵachiuta ŵanyake pa maso pangu.

“ ‘Ungazumbuwanga waka zina la Ambuya Chiuta wako, chifukwa Chiuta wampimenge wambura kalema cha, yo wazumbuwa waka zina lake.

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

“ ‘Kumbuka zuŵa la Sabata ndi kulipatuwa, mo Ambuya Chiuta wako wakulanguliya.

“ ‘Ungaŵiniwa muwoli wamunyako, ungaŵiniwa nyumba ya munyako, munda wake, chingana ngwanchitu wake munthurumi, chingana ngwachitu wake munthukazi, ng'ombe yake, chingana ndi mbunda yake, chingana nkhanthu kose kamunyako.’

“ ‘Ungareŵa.

“ ‘Ungatiya chisimisimi cha utesi pa munyako.

“ ‘Ungabaya.

“ ‘Ungabanga.

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Mazuŵa ghankhonde ndi limoza utatenge ndi uchitenge nchitu yako yose, kweni zuŵa la chinkhonde ndi chiŵi ndi Sabata kwa Ambuya Chiuta wako. Ungachitiyangamo kose ka mlimu cha; chingana ndiwe, chingana ndi mwana wako munthurumi, chingana ndi mwana wako munthukazi chingana ngwanchitu wako munthurumi, chingana ngwanchitu wako munthukazi chingana ndi ng'ombe yako, chingana ndi mbunda yako, chingana ndi viŵetu vyako vyose, chingana ndi mlendo wakuja nawe, kuti wanchitu wako munthurumi, ndi wanchitu wako munthukazi ŵapumuwe pamoza nawe.

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.