Popular Bible Verses from CHIDZIWISO 9

Share

Anthu anango onsene a padziko yapansi, ale adasala okhonda phiwa na miliri ile, hadaleke pyakudawa pyawo pakupembedza pidasasanya iwo na manjawo tayu. Iwo hadaleke kupembedza mizimu yakuipa, pontho mifanikizo ya golidi, siliva, mkuwa, miyala na miti, pinthu pile nkhabe kwanisa kuona, kuva penu kufamba tayu. Iwo hadaleke pyakudawa pyawo kuchita pyaupandu, pyamatsenga, pyakuzuda na kuba tayu.

Nyadzombe adabuluka muutsi mule mbaphamira padziko yapansi. Nyadzombe weneyu adapaswa mphamvu sasawa na mphamvu za akong'a mbapangwa kuti aleke vunga miti penu udzu na mbewu zinango zene tayu, mbwenye akwanise kuboneresa anthu akusowa chidindo cha Mulungu papipumu pawo.

Tenepo mngelo wachishanu adaliza ngomache. Ndidaona nyenyezi, ile ikhadagwa padziko yapansi, tenepo idapaswa mfungulo wakufungula nawo Chiphompho chikulu.

Nyadzombe hadatawiriswe kupha anthu ale tayu, mbwenye kuasanyisa miyezi mishanu. Kuva kwache kupha kwakhala ninga kupha kumbava munthu angalumwa na kong'a.

Iye ana mfumu wakuatonga, ule ndi mngelo wakutonga Chiphompho chikulu. M'Chiheberi dzinache ndi Abadoni; m'Chigriki dzinache ndi Apolioni kulonga kuti Nyakuvunga.