Popular Bible Verses from CHIDZIWISO 8

Share

Pidakanandula Mwanabira chakumyatira chachinomwe kudzulu kukhali kumatama chifupi mphindi makumatatu.

Mngelo wakutoma adaliza ngomache. Tenepo padadza matalala na moto wakuvungazikana na chiropa mbapiponyerwa padziko yapansi. Khundu ibodzi ya makhundu matatu a dziko yapansi idapiswa, konta ibodzi ya makonta matatu a miti idapiswa, na mpovu ene udapiswambo.

Tenepo ndidayang'ana mbandiona gokomola akumbuluka kutali chidzulu-dzulu mbandimva akulonga mwakugaluza fala kuti, “Dzedze! Dzedze! Dzedze kuna anthu akukhala padziko yapansi, thangwi ya kulira kwa ngoma zinango zitatu zathema kuliza angelo anango atatu ale!”

Tenepo mngelo wachiwiri adalizambo ngomache. Chinthu chinango chakuoneka ninga phiri ikulu yakuyerima moto chidaponywa m'bara. Khundu ibodzi ya makhundu matatu a bara idasanduka chiropa

Tenepo mngelo wachitatu adaliza ngomache. Kubulukira kudzulu nyenyezi ikulu yakugaka ninga nsakali idagwera pakhundu ibodzi ya makhundu matatu a mikulo na mphuno za madzi. Dzina ya nyenyezi yeneyi ndi Kuwawa. Khundu ibodzi ya makhundu matatu a madzi ale adawawa, pontho anthu azinji adafa pidamwa iwo madzi enewo thangwi akhadasanduka akuwawa.

Tenepo mngelo wachinayi adaliza ngomache. Khundu ibodzi ya makhundu matatu a dzuwa, mwezi na ya nyenyezi zidamenywa, natenepo khundu ibodzi ya makhundu matatu a pyonsenepyo pidaswipa; khundu yachitatu ya masikati na khundu yachitatu ya mosiku pakhali nkhabe cheza.