Popular Bible Verses from CHIDZIWISO 22

Share

Ndine Alefa pontho Omega, nyakutoma na nyakumalisa, kutoma na kumalisa.”

Yesu alonga mbati, “Ngaveserani! Ndikudza chinchino pano! Ndinabwera na mfupo yanga kupasa kada munthu malingana na mabasa akhaphata iye.

Mzimu Wakuchena na mwali wakufuna kukazhali alonga mbati, “Bwera!” Onsene anapiva alongembo mbati, “Bwera!” Mbadze anyakuva nyota; anapifunayo atambire mwakukhonda pagali madzi akupasa moyo.

Ngakutsanzaya ale afula mikhanjo yawo, towera akhale na utongi kudya nsapo za muti wakupasa moyo mbapita mumzinda na pamsuwo.

Yesu alonga mbati, “Ngavani! Ndikudza chinchino pano! Ngakutsanzaya ale ambavera mafala auprofeti a m'bukhumu!”

Panakhala nkhabeve mosiku, pontho iwo nkhabe dzafuna nyale, penu cheza cha dzuwa tayu, thangwi Mbuya Mulungu anakhala cheza chawo, pontho iwo anatonga ninga mafumu kwenda na kwenda.

Nyakuchitira umboni pyonsenepi alonga mbati, “Andedi! Ndikudza chinchino pano!” Pikhale tenepo. Idzani Mbuya Yesu! Kukoma mtima kwa Mbuya Yesu mbakukhale na anthu onsene a Mulungu. Ameni.

Ine Yohani ndikucheuza onsene anava mafala auprofeti a m'bukhumu: ngakhala unango anathimizira chinango pamafala enewa, Mulungu anamthimizirambo miliri yalembwa m'bukhumu. Ngakhala unango anabulusa chinthu pa mafala auprofeti m'bukhumu, Mulungu anambulusirambo khundu yache pamuti wakupasa moyo na ya Mzinda Wakuchena unalongwa m'bukhumu.