Popular Bible Verses from Salmos 143

Share

Apréndeme a facer a túa vontade, pois ti es o meu Deus. Que o teu alento bo me guíe por unha terra cha.

Faime sentir de mañá o teu favor, pois eu confío en ti. Ensíname que camiño collerei, pois cara a ti alzo a miña alma.

Líbrame, Señor, dos meus inimigos, pois eu acóllome a ti.

Polo teu nome, Señor, consérvame a vida, pola túa bondade tírame do apuro

Escoita, Señor a miña oración, pola túa fidelidade, atende a miña súplica, respóndeme, pola túa xustiza.

Respóndeme axiña, Señor, que me falta o alento. Non me escondas a túa cara, non me asemelle ós que baixan á cova.

Eu recordo os tempos pasados, considero os teus feitos e medito as accións das túas mans.