Popular Bible Verses from Proverbios 3

Share

Confía no Señor con todo o teu ser e non te apoies na propia intuición; teno en conta en todos os teus camiños e El achanzará os teus vieiros.

Non te teñas por sabio, teme ó Señor e arreda do mal

Honra ó Señor cos teus bens, coa primicia de todo canto gañes; encheranse os teus cabazos de gran e as túas pipas estouparán de mosto.

que non te abandone a lealdade constante, cínguea arredor de túa gorxa, escríbea na táboa do teu corazón.

Filliño, non rexeites a instrución do Señor, non leves a mal a súa corrección, pois o Señor reprende a quen ama e aflixe ó fillo benquerido.

Filliño, non esquezas o meu ensino e garda no ánimo os meus mandatos pois hante acrecentar longura de días, anos de vida e prosperidade

Ditoso o home que dá coa Sabedoría e o que vén dotado de discernimento, pois adquirila é de máis proveito cá prata e de máis ganancia có ouro; é de máis prezo có coral, non se lle compara canto poidas desexar.

Non lle negues un favor a quen ten dereito a el, cando está no teu poder o concedelo.

O Señor fundou a terra por medio da Sabedoría, afirmou o ceo co discernimento