Popular Bible Verses from Marcos 4

Share

Entón el, espertando, increpou ó vento, e díxolle ó mar: Silencio, e acouga! O vento amainou, e veu unha gran calma. Despois díxolles: Por que tendes tanto medo? Seica aínda non tendes fe?

Eles, cheos dun medo enorme, comentaban entre si: Pero, quen será este, que mesmo o vento e o mar o obedecen?

El, entrementres, estaba na popa durmindo sobre un cabezal. Fórono espertar, berrándolle: Mestre, seica non che importa que afoguemos?

Dicíalles tamén: Atendede ben ó que estades escoitando. Coa medida que midades, hanvos medir a vós, e ben sobrado.

E dixo tamén: Así é o Reino de Deus: coma un home que bota a semente na terra, e, durma ou estea esperto, sexa de noite ou de día, a semente agroma e medra, sen que el chegue a saber como.

Quen teña oídos para oír, que escoite.