Popular Bible Verses from Marcos 16

Share

E díxolles: Ide polo mundo enteiro, anunciando a Boa Nova a toda a creación.

Os que crean irán acompañados destes sinais: no meu nome botarán demos, falarán linguas novas; collerán serpes coas mans, e se chegan a beber algún veleno, non lles fará mal ningún; imporanlles as mans ós enfermos, e estes curarán.

Quen crea e se bautice, salvarase; quen non crea, condenarase.

Eles saíron a predicar por todas partes, contando coa colaboración do Señor, que confirmaba a súa palabra cos sinais que os acompañaban.

Pero el díxolles: Non vos espantedes. Buscades a Xesús Nazareno, o crucificado? Non está aquí, resucitou. Mirade o lugar onde o puxeron.

Pero, erguendo a vista, descubriron que a lousa estaba arredada; iso que era moi grande. Entrando no sepulcro, viron un mozo vestido de branco, sentado no lado dereito, e quedaron espantadas.