Popular Bible Verses from Marcos 13

Share

Pola miña causa seredes aborrecidos por todos, pero o que persevere ata o final, ese hase salvar.

Estade logo á espreita e atentos, que non sabedes cando será o momento.

E cando vos leven para vos entregaren, non andedes agoniados polo que ides dicir; falade como vos veña á idea no momento; porque non seredes vós, senón o Espírito Santo quen fale.

O ceo e mais a terra pasarán, pero as miñas palabras non pasarán.

En canto ó día e mais a hora no que isto vai acontecer ninguén sabe nada, nin os anxos do ceo, nin o Fillo; sábeo o Pai soamente.

Cando oiades falar de guerra, ou de rumores de guerra, non vos alarmedes; teñen que vir, pero aínda non será a fin.

Vixiade vós, polo tanto, pois non sabedes cando chegará o amo da casa: se á tardiña ou con noite cerrada, se co canto do galo ou no amencer. Non vaia ser que chegue de repente, e vos atope durmindo. E o que vos digo a vós, tamén llelo digo a todos: Estade en vela!

Erguerase pobo contra pobo, reino contra reino; haberá terremotos e fame en diversos lugares; será o comezo de grandes sufrimentos.

De por parte cómpre que a Boa Nova se anuncie a todas as nacións.

Moitos virán dicindo: "son eu", e extraviarán a moita xente.

Vós tede moito coidado, porque vos entregarán ós tribunais e mais ás sinagogas, zorregaranvos duro e hanvos levar ante reis e gobernadores pola miña causa; así daredes testemuño ante eles.

Pois han aparecer falsos mesías e falsos profetas, que farán marabillas e prodixios para desnortaren a xente, e, se fose posible, incluso ós mesmos elixidos.

Pero naqueles días, pasada xa aquela angustia, o sol hase escurecer, a lúa deixará de aluar, As estrelas caerán do ceo, abalarán as potencias do ceo.