Popular Bible Verses from Mateo 27

Share

E nesa hora Xesús berrou moi forte dicindo: —Elí, Elí lemá sabactaní? Isto é: Meu Deus, meu Deus, por que me abandonaches?

Entón o veo do Santuario rachouse en dous de arriba abaixo. Tremeu a terra, as rochas fenderon, e abríronse os sepulcros. Moitos corpos dos santos que estaban mortos resucitaron.

Pero Xesús, dando de novo un grande berro, entregou a alma.

O centurión e mais os que con el gardaban a Xesús, vendo o terremoto e todo o que pasaba, dixeron aterrados: Verdadeiramente este era o Fillo de Deus.

Chegado o mediodía, a escuridade cubriu a terra ata as dúas e pico da tarde.

Díxolles Pilato: E que fago eu con Xesús, chamado o Cristo? E responderon todos: Que o crucifiquen! El replicou: Pero, que mal fixo? Pero eles berraban máis forte dicindo: Que o crucifiquen!