Popular Bible Verses from Mateo 24

Share

E, ó crecer a maldade, arrefriarase o amor da maioría. Pero o que persevere ata o final, salvarase.

Proclamarase esta Boa Nova do Reino en todas partes para dar testemuño a todos os pobos. Entón será a fin.

Cando oiades falar de guerras ou de rumores de guerra, coidadiño con alarmarvos; pois teñen que vir, pero aínda non será a fin.

Erguerase pobo contra pobo, reino contra reino; haberá fame e terremotos en diversos lugares; e todo isto non será máis có comezo das dores.

O ceo e mais a terra pasarán, pero as miñas palabras non pasarán.

Moitos virán dicindo: "Eu son o Mesías". E desnortarán a moita xente.

Daquela entregaranvos ás torturas, mataranvos e odiaranvos todos os pobos por causa miña. Entón moitos fallarán na fe, traizoaranse uns a outros e aborreceranse mutuamente. Aparecerán moitos falsos profetas, enganando a moita xente.

Respondeulles Xesús: Estade atentos para que ninguén vos desoriente.

Así tamén: estade vós preparados, porque na hora menos pensada preséntase o Fillo do Home.

Vixiade, porque non sabedes nada do día no que virá o voso Señor.

E en canto ó día aquel e á hora, ninguén sabe nada, nin os anxos do ceo, nin o Fillo; só o Pai.

Pois aparecerán falsos Mesías e falsos profetas, que farán grandes sinais e prodixios para desorientar a xente, e, se fose posible, incluso os mesmos elixidos.

Coma nos tempos de Noé, así pasará cando veña o Fillo do Home. Antes do diluvio comían, bebían e casaban ata o día que Noé entrou na arca; e de nada se decataron ata que veu o diluvio, e os enguliu a todos. O mesmo pasará cando veña o Fillo do Home.