Popular Bible Verses from Isaías 54

Share

Toda arma que se faga para ir contra ti, non terá éxito, e toda lingua que se levante contra ti no tribunal, ti probarás que é culpable. Este é o quiñón da herdanza dos servos do Señor. Si, a xustiza deles vén de min, —é o Señor quen fala—.

Pois os montes moveranse e os outeiros abanearán, pero o meu amor non se moverá de onda ti e a miña alianza de paz non cambaleará —dixo o Señor, que ten compaixón de ti—.

Non teñas medo, que non te avergonzarás, non teñas vergonza, que non terás que ruborizarte, pois esquecerás a vergonza da túa mocidade, e do oprobio da túa viuvez non te lembrarás máis.

Pois velaí o teu Facedor, o teu Creador, Señor Todopoderoso é o seu nome. Certo que o teu Redentor é o Santo de Israel, chámase Deus de toda a terra.

Alonga o espazo da túa tenda, estende as cortinas das túas moradas, non te negues; alonga as túas cordas, afinca as túas ferraxes

Todos os teus fillos son discípulos do Señor, e mestres da paz son os teus fillos

Por un arrebato de ira escondín a miña cara de ti algún tempo pero con amor eterno teño compaixón de ti —dixo o Señor, o teu Redentor—.

"Durante un pouco tempo abandoneite, pero con inmensa compaixón recollereite.

Si, nos días de Noé aconteceume isto: xurei que as augas de Noé non volverían cruzar sobre a terra, así tamén xurei que non me enfadaría contra ti nin te ameazaría.

Asento as túas torres con rubís, e as túas portadas con pedras de cuarzo. Toda a túa muralla con pedras preciosas.