Popular Bible Verses from Isaías 45

Share

Dareiche os tesouros pechados e as riquezas dos lugares ocultos, para que recoñezas que eu son o Señor, quen te chamou polo teu nome, son o Deus de Israel que te chamou

Eu camiñarei diante de ti e fareiche favorables os presaxios, romperei os batentes de bronce e farei anacos as trancas de ferro.

Eu son o Señor e non hai outro, fóra de min non hai deus. Ameite, aínda que non me coñecías, para que se saiba desde o nacente ó solpor que non hai cousa sen min. Eu son o Señor e non hai outro

o que forma a luz e crea a tebra, o que fai a felicidade e crea a desgraza. Eu, o Señor, o que fago todas estas cousas.

Volvédevos cara a min e salvádevos, todos os confíns da terra, que eu son Deus, e non hai outro.

Así fala o Señor acerca do seu unxido, Ciro, a quen eu collín da man dereita: el someterá ante si ós pobos, eu descubrirei ante el o lombo dos reis. El abre ante si os portóns dobres, as portas non se pecharán ante el.

Xúroo por min mesmo: da miña boca sae —para cumprir o que é xusto— unha palabra que non se volve atrás: ante min dobrarase todo xeonllo, por min xurará toda lingua.

por causa do meu servo, Xacob, e de Israel, o meu elixido. Si, chameite polo teu nome; creeite, aínda que non me coñecías.